AMUDARYo TUMAN IIB YHXB XODIMLARI FAXRIY USTOZLARIGA HURMAT-EHTIROM KÖRSATDILAR

Xalqimiz sevib nişonlaydigan bayramlar köp. Har bir bayram öz mazmun-mohiyati jihatidan köngillarga olam-olam zavq bağişlaydi. Lekin şunday bir gözal ayyom borki, unda milliy-maʼnaviy qadriyatlar, xalqimizga xos bölgan mehr-oqibat, hurmat va ehtirom tuyğulari yanada uluğlanadi. Bu ayyomda insoniyatga oq-qorani tanitib, mustaqil hayotga yöllagan, mustaqil fikrlaşga örgatgan, orzu-umidlarning çaroğon manzillari sari intilişga çorlagan va kelajakka işonç uyğotgan buyuk zot — aziz Ustozlar şaraflanadi.

Mamlakatimizda 1-oktyabr — “Öqituvçi va murabbiylar kuni” umumxalq bayrami ana şunday ezgu fazilatlarni özida mujassam etgani bilan har bir qalb uçun aziz va qadrli.

Bayram arafasida va bayram kunlari bölib ötgan tantanali tadbirlarda nafaqat öqituvçi va murabbiylar, balki barça sohalar böyiça fidokorona mehnat qilgan, öz faoliyatlari davomida köplab yoş mutaxassislarga kasb sirlarini örgatgan, ularning mustaqil iş yuritişlari uçun zarur maslahat va tavsiyalari bilan yaqindan yordam bergan insonlarga şogirdlari yuksak eʼtibor va ehtirom körsatdilar, ustozlari könglini obod etişib, bayram sovğalarini taqdim qildilar.

Amudaryo tumani Içki işlar bölimi Yöl harakati xavfsizligi bölinmasi xodimlari ham 1-oktyabr — “Öqituvçi va murabbiylar kuni” umumxalq bayramini har gal ustozlarini şaraflaş ayyomi sifatida keng nişonlaydilar. Bu galgi bayram arafasida ham uzoq yillar mazkur sohada faoliyat olib borgan, köplab yoş mutaxassislarga nafaqat kasbiy mahorat sirlarini, balki sohaga xos bölgan halollik va adolat tamoyillariga mos iş yuritiş, kasb madaniyati va axloqiy qoidalarini örgatgan hamda bu borada özlari ibrat bölgan faxriylar xonadonlariga taşrif buyurişib, ustozlarini bayram bilan tabrikladilar.

Tuman Içki işlar bölimi Yöl harakati xavfsizligi bölinmasi boşliği, safdor Bekzod Qozoqov rahbarligidagi bir guruh xodimlar Qipçoq şaharçasida istiqomat qiluvçi faxriy ustozlari Qadamboy Qorajonov xonadonida böldilar.

Öz mehnat faoliyati davomida yöllarda harakat xavfsizligini, fuqarolar osoyiştaligini taʼminlaşdek maşaqqatli va masʼuliyatli vazifani bekamu köst ado etgan, şu bilan birga köplab yoş mutaxassislarga ustozlik qilgan Qadamboy oğa ayni paytda nafaqada, keksalik gaştini surmoqda.

U bayram munosabati bilan xonadoniga taşrif buyurgan şogirdlari bilan özi işlagan davrdagi qiyinçiliklar, yöllardagi nosozliklar haqida söz yuritib, bugun yurtimizda Yöl harakati xavfsizligi xizmati xodimlari uçun yaratilgan şart-şaroitlari xususida suhbatlaşdi. Ayniqsa, yöllarning ravonligi, yöl belgilarining aniqligi, radarlar, kameralarning ahamiyatini alohida taʼkidladi.

Faxriy ustoz bilan uçraşuv davomida bölinma boşliği, safdor Bekzod Qozoqov şogirdlar hurmat va ehtiromining ramzi sifatida Qadamboy oğa Qorajonovga bayram sovğasini topşirdi.

Tuman Içki işlar bölimi Yöl harakati xavfsizligi bölinmasi xodimlari şu kuni Manğit şahrida istiqomat qiluvçi xizmat faxriysi Saidjon oğa Jumaboyev bilan ham uçraşib, ustozni bayram bilan tabrikladilar va bayram sovğasi topşirdilar. Öz navbatida Saidjon oğa Jumaboyev ham davlatimiz tomonidan körsatilayotgan eʼtibor va rağbat uçun, qolaversa, şogirdlarining taşrifi, samimiy tilaklari uçun minnatdorlik bildirdi.

Ustozga hurmat va ehtirom körsatiş — azaliy qadriyat, qolaversa, bizning yöllarimizni oydin, hayotimizni nurafşon qilgan ustozlar hayoti va ularning fidokorona mehnati, yuksak insoniy sifatlari har birimiz uçun haqiqiy hikmatlar xazinasidir. Uluğ hazrat Mir Alişer Navoiy çuqur ehtirom bilan aytganlaridek:

"Haq yölinda kim sanga bir harf öqutmiş ranj ila,

Aylamak bölmas ado oning haqin ming ganj ila".

Zero, ustozga ehtirom — bu taqdir insonga ravo körgan baxt-u saodatga, farovon hayotga, kelajakka ehtiromdir.

ROBIYa YÖLDOŞEVA.