TUMAN PROKURORI ChOYKOʻL OVULIDA SAYYoR QABUL OʻTKAZDI
Mamlakatimizda "Hamma narsa inson qadri uchun", "Xalq davlat idoralariga emas, davlat idoralari xalqqa xizmat qilishi kerak" tamoyili asosida ish yuritish, xalq orasiga kirib borib, ularning yashash sharoitlarini oʻrganish orqali muammolariga yechim topish bugungi kunda barcha boʻgʻinlardagi rahbarlarning kundalik ish rejasidagi muhim yoʻnalishlardan biriga aylangan. Har qanday koʻrinishdagi muammoni joyiga chiqqan holda oʻrganish esa aholiga zarur huquqiy maslahat berish, yordamga muhtoj fuqarolar murojaatlariga oʻz vaqtida ijobiy yechim topish imkonini bermoqda.
Bu borada Amudaryo tumani prokurori Bahrom Masharipov tomonidan tumanning olis qishloq va mahallalarida oʻtkazilayotgan sayyor qabullar, xalq bilan ochiq va oshkora muloqot tadbirlari oʻzining ijobiy samarasini bermoqda. Ana shunday ochiq va oshkora muloqot tarzidagi tadbirlar orqali fuqarolar oʻz hayotlariga doir muammolariga ijobiy yechim topayotganidan, huquqiy maslahatlar, zarur tushunchalarga ega boʻlayotganlaridan mamnun boʻlishayotgani quvonarli holat, albatta.
Yaqinda Amudaryo tumani prokurori Bahrom Masharipov tomonidan Choykoʻl ovul fuqarolar yigʻini binosida ham navbatdagi sayyor qabul oʻtkazildi. Qabul jarayonida fuqarolarning koʻplab ariza va murojaatlari atroflicha, sinchkovlik bilan oʻrganilib, har bir murojaat egasi bilan individual ravishda suhbatlashish orqali muammolariga yechim topish choralari koʻrildi.
Sayyor qabulda Choykoʻl, Toʻlqin ovullari hamda Bosu mahalla fuqarolar yigʻinlari masʼullari hamda mazkur ovul va mahallalarda istiqomat qiluvchi aholi vakillari ishtirok etdilar.
Sayyor qabul avvalida tuman prokurori Bahrom Masharipov mazkur sayyor qabulni oʻtkazishdan maqsad xalq bilan bevosita muloqotlar orqali ularning dard-u tashvishlarini tinglash, muammolariga qonuniy yechim topishga koʻmaklashish va amaliy yordam koʻrsatish, hayotdan rozi yashashlarini taʼminlashga hissa qoʻshish ekanligini alohida taʼkidladi. Shu bilan birga ishtirokchilarga oʻz fikrlarini, dard-u tashvishlarini emin-erkin, tortinmasdan bildirishlari zarurligini bildirdi.
Qabul davomida aholi vakillari tomonidan qilingan murojaatlarning asosiy qismi joyida ijobiy hal etildi. Ayrim murakkab masalalar boʻyicha murojaatlar prokuratura xodimlari tomonidan sinchiklab oʻrganilganidan soʻng nazorat daftariga qayd etilib, tegishli tashkilotlar masʼullariga amaliy ijrosini taʼminlash boʻyicha topshiriqlar berildi. Shuningdek, fuqarolar tomonidan tushgan savollar yuzasidan individual suhbatlashish orqali zarur tushuntirish ishlari olib borilib, ularga huquqiy maslahatlar taqdim etildi.
Bu kabi sayyor qabullar fuqarolar bilan joyiga chiqqan holda bevosita ochiq va samimiy muloqot qilish, ularning dard-u tashvishlarini eshitish, fikr va takliflarini oʻrganish, shuningdek, haqiqat va adolat tamoyillarini amalda taʼminlash yoʻlida muhim vosita boʻlgani bilan ahamiyatlidir.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
