Dörmanliklar markazlaşgan holda pilla yetiştirmoqda

Bugungi kunda yurtimizda ipakçilik tarmoğini rivojlantirişga katta eʼtibor qaratilmoqda. Ipak qurti parvarişi va pilla yetiştiriş – qadimdan xalqimiz hayotida muhim örin tutgan, ekologik toza va iqtisodiy foydali bölgan sohalardan biridir. Mazkur yönalişning rivojlanişi nafaqat qişloq xöjaligi samaradorligini oşiriş, balki aholini barqaror daromad manbai bilan taʼminlaşda ham muhim ahamiyat kasb etadi.

Sönggi yillarda ipakçilik tarmoğini modernizatsiya qiliş, eksport salohiyatini oşiriş va xalqaro bozorga çiqiş imkoniyatlarini kengaytiriş maqsadida bir qator islohotlar amalga oşirilmoqda. Fermer xöjaliklari, dehqonlar va tadbirkorlar ipak qurti uruği, tut daraxti köçatlari va parvarişlaş vositalari bilan taʼminlanmoqda. Şuningdek, klaster tizimi orqali pilla yetiştiruvçi xöjaliklar va qayta işlovçi korxonalar örtasida barqaror hamkorlik yölga qöyilmoqda.

Amudaryoliklar ipak qurti parvarişi va pilla yetiştirişda respublikada eng ilğorlardan hisoblanadi. Tumanda joriy yilda pilla yetiştiriş rejasi 296 tonna bölib, 2 ming 658 ta xonadonda 4 ming 936 quti ipak qurti parvarişlanmoqda.

Dörman ovuli aholisi pillaçilikning mömay daromad manbai ekanligini çuqur anglab yetgan. Uning mehnatidan qoçmay, ipak qurti parvarişini markazlaşgan holda taşkil etişi, özaro hamjihatliklari bilan boşqalarga namuna bölmoqda. Har yili ovuldagi band bölmagan xotin-qizlar ovuldagi böş turgan binolarda ipak qurti parvarişiga jalb qilinib, ularning oilasiga daromad olib kelişiga kömaklaşilmoqda.

Bu yilgi mavsumda ham dörmanliklar tumanda eng ilğorlar qatorida markazlaşgan holda pilla yetiştirmoqda. 15 nafardan ortiq ayol-qizlar 20 quti ipak qurtini parvariş qilib, pilla xirmoniga munosib hissa qöşmoqda. Ularning maşaqqatli mehnati va özaro hamjihatliklarini rağbatlantiriş maqsadida tuman hokimining birinçi örinbosari Faxriddin Yusupov iş jarayoniga taşrif buyurdi.

Faxriddin Yusupov pillakorlarga ipakçilik bu nafaqat iqtisodiy foyda, balki oilaviy baraka, xotin-qizlar va yoşlar uçun iş örni, ekanligini taʼkidlab, bu yönalişdagi har bir mehnatkaşning hissasi tahsinga loyiq ekanini qayd etdi.

Tadbir davomida pillakorlar faol iştiroki, sifatli va möl hosil yetiştirayotgani uçun esdalik sovğalari bilan rağbatlantirildi. Ularning orasida uzoq yillardan buyon ipak qurti parvarişi bilan şuğullanib kelayotgan tajribali pillakorlar, nuroniy onaxonlar bunday eʼtibor va eʼtirof ularni yanada köproq mehnat qilişga undayotganini aytib, minnatdorlik bildirişdi.

Taʼkidlaş joizki, ipak qurti parvarişi, ayniqsa, bahor va yoz mavsumlarida minglab oilalar uçun mavsumiy daromad manbai hisoblanadi. Ayollar, yoşlar va keksalar ham bu jarayonda faol iştirok etib, öz turmuş darajasini yaxşilaş imkoniga ega bölmoqda.

Çaros Arslonova, tuman hokimligining Axborot xizmati rahbari.