“Tinchlik – oliy neʼmat” mavzusida davra suhbati oʻtkazildi
Yurtimizda tinchlik va osoyishtalikni taʼminlash, yosh avlodni vatanparvarlik ruhida tarbiyalash, ularning Vatan va xalq oldidagi burchini anglashlarida oʻtkazilayotgan maʼnaviy-maʼrifiy tadbirlar muhim ahamiyat kasb etadi. Shu maqsadda yaqinda Amudaryo tumani Maktabgacha va maktab taʼlimi boʻlimi tasarrufidagi 36-sonli umumtaʼlim maktabida “Tinchlik – oliy neʼmat” mavzusida davra suhbati tashkil etildi.
Tadbirda Davlat xavfsizlik xizmati Chegara qoʻshinlari harbiy xizmatchisi Mirjahon Majidov, tumanda xizmat oʻtayotgan bir guruh muddatli harbiy xizmatchilar hamda maktabning yuqori sinf oʻquvchilari ishtirok etdi.
Davra suhbati davomida soʻzga chiqqan Mirjahon Majidov tinchlik har bir millat uchun eng aziz va bebaho neʼmat ekani, uni asrash va muhofaza qilish har bir fuqaroning, ayniqsa, harbiy xizmatchilarning muqaddas burchi ekanini alohida taʼkidladi. U shuningdek, chegaralarning daxlsizligini taʼminlash, ichki xavfsizlikni saqlash borasida olib borilayotgan ishlar, harbiy xizmatning mazmun-mohiyati haqida atroflicha maʼlumot berdi.
Tadbirda qatnashgan harbiy xizmatchilar oʻz shaxsiy hayoti, harbiy qismdagi tartib-intizom, yurt himoyasidagi masʼuliyat va harbiy tayyorgarlik jarayonlari haqida yoshlarga samimiy mulohazalarini bayon etdilar. Bu muloqotlar orqali oʻquvchilar harbiylar hayoti va xizmatining real jihatlari bilan yaqindan tanishdilar.
Maktab oʻquvchilari tadbirda Vatan, tinchlik, jasorat va vatanparvarlik mavzularida sheʼrlar oʻqidilar. Ular harbiylarga samimiy minnatdorchilik izhor etib, tinch hayot uchun oʻz hurmat va ehtiromlarini bildirdi.
“Tinchlik – oliy neʼmat” mavzusidagi mazkur davra suhbati yosh avlodning maʼnaviy-maʼrifiy bilimlarini oshirish, ularda Vatanga sadoqat, tinchlikning qadriga yetish tuygʻularini shakllantirishda muhim oʻrin tutdi.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
