Is gazidan zaharlanishning oldini olish boʻyicha amalga oshirilayotgan ishlar oʻrganildi
Is gazidan zaharlanishning oldini olish kuz-qish mavsumining eng dolzarb masalalaridan biridir. Respublika miqyosidagi rahbarlar hududlarga chiqib, ogʻir oqibatlarga olib keladigan, inson hayoti uchun xavfli boʻlgan bunday holatlarning oldini olish boʻyicha tushuntirish-targʻibot ishlarini tashkil etmoqdalar.
Qoraqalpogʻiston Respublikasi Vazirlar Kengashining Korruptsiyaga qarshi Ichki nazorat boʻlimi boshligʻi Batir Matmuratov Amudaryo tumanida boʻlib, qator yoʻnalishlarda amalga oshirilayotgan ishlar bilan tanishdi.
Amudaryo tumani Favqulodda vaziyatlar boʻlimida tuman hokimi Sobir Xoʻjametov, hokim oʻrinbosarlari, qator tegishli tashkilotlar hamda mahallalar masʼullari ishtirokida kuz-qish mavsumi betalafot oʻtkazish, favqulodda vaziyatlarning oldini olish, is gazidan zaharlanishning oldini olish, elektr energiyasi va tabiiy gazdan foydalanishda xavfsizlik qoidalariga amal qilish boʻyicha yigʻilish boʻlib oʻtdi.
Unda Batir Matmuratov kuz-qish mavsumida favqulodda vaziyatlarning oldini olish, yongʻin xavfsizligini taʼminlash borasida amalga oshirilishi lozim boʻlgan ustuvor vazifalar xususida soʻz yuritdi. Mahallalar masʼullari tomonidan aholi xonadonlariga uyma-uy kirgan holda isitish moslamalaridan toʻgʻri foydalanish, dudburonlarni tozalash, is gazining inson hayoti uchun xavfli ekanligi yuzasidan tushuntirish-targʻibot ishlarini yanada kuchaytirish lozimligini taʼkidladi. Tadbir mobaynida is gazidan zaharlanishga olib keluvchi sabablar va oqibatlar xususida soʻz yuritildi.
Xususan, fuqarolar tomonidan gaz yoki koʻmir, oʻtin kabi yoqilgʻining muqobil turlaridan foydalanishda xavfsizlik choralariga rioya etilmasligi, nostandart va qoʻlbola yoki sertifikatga ega boʻlmagan isitish pechlari va anjomlaridan foydalanish, isitish pechlarining dudburonlarini notoʻgʻri oʻrnatish va oʻz vaqtida texnik koʻrikdan oʻtkazmaslik, isitish pechlarini dam olish va uxlash xonalariga olib kirish, havo almashmaydigan xonalarni isitishda ochiq olov, yaʼni koʻmir va oʻtin choʻgʻlaridan foydalanish, havoni almashtiruvchi shamollatish shaxtalari yoki tuynuklarni berkitib, toʻsib qoʻyish kabi holatlar inson hayoti uchun xavfli boʻlgan is gazi ajralishiga va undan zaharlanishga olib kelishi qayd etildi.
Shuningdek, tadbir mobaynida yongʻin, gaz va havo aralashmasining chaqnashi hamda is gazidan zaharlanishning oldini olish maqsadida qator xavfsizlik qoidalariga amal qilish lozimligi taʼkidlandi. Shundan soʻng Qoraqalpogʻiston Respublikasi Vazirlar Kengashining Korruptsiyaga qarshi Ichki nazorat boʻlimi boshligʻi Batir Matmuratov mahallalardagi aholi xonadonlarida boʻlib, hamyurtlarimizga favqulodda yongʻin holatlarining kelib chiqishi, is gazidan zaharlanishning oldini olish borasida tegishli tavsiyalar berdi.
Jumladan, tashqi himoya qobiqlari shikastlangan elektr sim va kabellardan foydalanmaslik, isitish pechlarining dudburonlarini tozalash, sozlash va ularni qoida talablari asosida oʻrnatish boʻyicha xizmat koʻrsatuvchi maxsus tashkilotlarga murojaat qilish, isitish pechlarini haddan ziyod qizdirib yubormaslik, gaz va elektr isitish moslamalarini nazorat qilishni yosh bolalarga topshirmaslik, gaz taʼminoti idoralari mutaxassislarini jalb etgan holda gaz jihozlarini taftishdan oʻtkazib, ularga texnik xizmat koʻrsatilishini tashkil etish, gaz uskunalarini ulash boʻyicha tartib-qoidalarga rioya qilish, yonuvchi materiallarni gaz plitalari ustida quritmaslik lozimligi tushuntirildi.
Charos Arslonova, tuman hokimligining Axborot xizmati rahbari.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
