Ис газидан заҳарланишнинг олдини олиш бўйича амалга оширилаётган ишлар ўрганилди
Ис газидан заҳарланишнинг олдини олиш куз-қиш мавсумининг энг долзарб масалаларидан биридир. Республика миқёсидаги раҳбарлар ҳудудларга чиқиб, оғир оқибатларга олиб келадиган, инсон ҳаёти учун хавфли бўлган бундай ҳолатларнинг олдини олиш бўйича тушунтириш-тарғибот ишларини ташкил этмоқдалар.
Қорақалпоғистон Республикаси Вазирлар Кенгашининг Коррупцияга қарши Ички назорат бўлими бошлиғи Батир Матмуратов Амударё туманида бўлиб, қатор йўналишларда амалга оширилаётган ишлар билан танишди.
Амударё тумани Фавқулодда вазиятлар бўлимида туман ҳокими Собир Хўжаметов, ҳоким ўринбосарлари, қатор тегишли ташкилотлар ҳамда маҳаллалар масъуллари иштирокида куз-қиш мавсуми беталафот ўтказиш, фавқулодда вазиятларнинг олдини олиш, ис газидан заҳарланишнинг олдини олиш, электр энергияси ва табиий газдан фойдаланишда хавфсизлик қоидаларига амал қилиш бўйича йиғилиш бўлиб ўтди.
Унда Батир Матмуратов куз-қиш мавсумида фавқулодда вазиятларнинг олдини олиш, ёнғин хавфсизлигини таъминлаш борасида амалга оширилиши лозим бўлган устувор вазифалар хусусида сўз юритди. Маҳаллалар масъуллари томонидан аҳоли хонадонларига уйма-уй кирган ҳолда иситиш мосламаларидан тўғри фойдаланиш, дудбуронларни тозалаш, ис газининг инсон ҳаёти учун хавфли эканлиги юзасидан тушунтириш-тарғибот ишларини янада кучайтириш лозимлигини таъкидлади. Тадбир мобайнида ис газидан заҳарланишга олиб келувчи сабаблар ва оқибатлар хусусида сўз юритилди.
Хусусан, фуқаролар томонидан газ ёки кўмир, ўтин каби ёқилғининг муқобил турларидан фойдаланишда хавфсизлик чораларига риоя этилмаслиги, ностандарт ва қўлбола ёки сертификатга эга бўлмаган иситиш печлари ва анжомларидан фойдаланиш, иситиш печларининг дудбуронларини нотўғри ўрнатиш ва ўз вақтида техник кўрикдан ўтказмаслик, иситиш печларини дам олиш ва ухлаш хоналарига олиб кириш, ҳаво алмашмайдиган хоналарни иситишда очиқ олов, яъни кўмир ва ўтин чўғларидан фойдаланиш, ҳавони алмаштирувчи шамоллатиш шахталари ёки туйнукларни беркитиб, тўсиб қўйиш каби ҳолатлар инсон ҳаёти учун хавфли бўлган ис гази ажралишига ва ундан заҳарланишга олиб келиши қайд этилди.
Шунингдек, тадбир мобайнида ёнғин, газ ва ҳаво аралашмасининг чақнаши ҳамда ис газидан заҳарланишнинг олдини олиш мақсадида қатор хавфсизлик қоидаларига амал қилиш лозимлиги таъкидланди. Шундан сўнг Қорақалпоғистон Республикаси Вазирлар Кенгашининг Коррупцияга қарши Ички назорат бўлими бошлиғи Батир Матмуратов маҳаллалардаги аҳоли хонадонларида бўлиб, ҳамюртларимизга фавқулодда ёнғин ҳолатларининг келиб чиқиши, ис газидан заҳарланишнинг олдини олиш борасида тегишли тавсиялар берди.
Жумладан, ташқи ҳимоя қобиқлари шикастланган электр сим ва кабеллардан фойдаланмаслик, иситиш печларининг дудбуронларини тозалаш, созлаш ва уларни қоида талаблари асосида ўрнатиш бўйича хизмат кўрсатувчи махсус ташкилотларга мурожаат қилиш, иситиш печларини ҳаддан зиёд қиздириб юбормаслик, газ ва электр иситиш мосламаларини назорат қилишни ёш болаларга топширмаслик, газ таъминоти идоралари мутахассисларини жалб этган ҳолда газ жиҳозларини тафтишдан ўтказиб, уларга техник хизмат кўрсатилишини ташкил этиш, газ ускуналарини улаш бўйича тартиб-қоидаларга риоя қилиш, ёнувчи материалларни газ плиталари устида қуритмаслик лозимлиги тушунтирилди.
Чарос Арслонова, туман ҳокимлигининг Ахборот хизмати раҳбари.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
