Ёшларга ер бериш орқали уларнинг даромадлари оширилади ва бандлиги таъминланади
Амударё тумани ҳокимлигининг катта мажлислар залида Ўзбекистон Республикаси Президентининг 2024 йил 5 апрель кунги “Ёшларга ер ажратиш орқали уларнинг даромадларини ошириш ва бандлигини таъминлаш, шунингдек янги ер майдонларини ўзлаштириш чора-тадбирлари тўғрисида”ги қарори мазмун-моҳиятига бағишланган йиғилиш бўлиб ўтди.
Йиғилишда тумандаги овул ва маҳалла фуқаролар йиғинларидаги “еттилик” аъзоларига мазкур қарорда белгиланган устувор вазифалар бўйича кенг тушунчалар берилди.
Йиғилишда Ўзбекистон Республикаси Қишлоқ хўжалиги вазирлиги бошқарма бошлиғи Асрор Жўраев мазкур қарор билан ёшлар учун кенг имкониятлар эшиги очилганлиги, ёшлар бандлигини таъминлаш борасида уларга ер ажратиб бериш, янги ерларни ўзлаштириш юзасидан устувор вазифалар белгилаб берилганлиги тўғрисида сўз юритди.
Қайд этлишича “Ёшларга ер ажратиш орқали уларнинг даромадларини ошириш ва бандлигини таъминлаш, шунингдек, янги ер майдонларини ўзлаштириш чора-тадбирлари тўғрисида”ги Президент қарорига кўра туман ҳокимликлари захирасидаги жами 60 минг гектар ер майдони электрон онлайн аукцион савдоларига қўйилиб, деҳқон хўжаликларини ташкил этиш учун ёшларга ижарага берилади ҳамда қишлоқ хўжалиги маҳсулотларини етиштиришдан сотишгача бўлган занжирни қамраб олувчи янги тизим жорий этилади.
Хусусан, 60 минг гектар ер майдонини ижарага бериш бўйича электрон онлайн аукцион савдолари “E-auksion” электрон савдо платформаси орқали “маҳалла еттилиги”нинг тавсияси билан шакллантириладиган рўйхатга киритилган ёшлар ўртасида ўтказилади.
Бунда ер майдонларини ижарага бериш бўйича электрон онлайн аукцион савдолари ғолибларига ер участкаси нархини 10 йил муддатга тенг улушларда фоизсиз бўлиб-бўлиб тўлашга рухсат берилади. Шунингдек, ер майдонларини электрон онлайн аукцион савдолари орқали ижарага олган ёшлар “Темир дафтар”, “Аёллар дафтари”, “Ёшлар дафтари”дан чиқарилмайди ва улар учун қонунчиликда белгиланган барча имтиёз ва преференциялар сақлаб қолинади.
Қарорга кўра талабгорларга 30 йил муддатгача кичик лотларда “бир массив – бир маҳсулот” тамойили асосида сабзавот, картошка, полиз экинлари, гул, кўкатлар, маккажўхори дони, дуккакли ва мойли экинлар етиштиришга суғориладиган экин майдонлари, боғдорчилик-узумчилик йўналишлари учун кўп йиллик дарахтзорлар ёки самарасиз боғлар ер майдонлари, доривор ўсимликлар етиштириш, чорвачилик йўналишлари учун чорва озуқаси экинларини етиштиришга мўлжалланган, лалми, бўз, яйлов ва янги ўзлаштирилган ер майдонлари ижарага берилади.
Талабгорларга ажратиладиган ер майдонлари ўлчамлари “маҳалла еттилиги” таклифига кўра аниқланади. Талабгорлар томонидан ер майдонларида етиштириладиган экин турлари ва улар миқдорининг доимий мониторинги Ёшлар ишлари агентлигининг “Ёш фермерлар” платформаси орқали амалга оширилади.
Йиғилишда овул ва маҳалла фуқаролар йиғинлари раислари ҳамда “маҳалла еттилиги”нинг бошқа аъзоларига ушбу янги тизим асосида ишларни самарали ташкил қилиш, ер майдони олиш истагидаги ёшлар рўйхатини шакллантириш, онлайн аукцион натижаларига кўра ижарага ер олган ёшларнинг деҳқончилик фаолиятларини бошлашларига амалий ёрдам кўрсатиш бўйича тегишли кўрсатма ва тавсиялар берилди.
Чарос Арслонова, туман ҳокимлигининг Ахборот хизмати раҳбари.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
