“МАҲАЛЛАБАЙ” ИШЛАШ ТИЗИМИ АСОСИДА АҲОЛИ ХОНАДОНЛАРИНИНГ САНИТАРИЯ-ГИГИЕНИК ОРАСТАЛИГИ ТАЪМИНЛАНМОҚДА

Аҳолининг санитария-эпидемиологик осойишталиги билан боғлиқ муаммоли масалаларни ҳал этишнинг янгича “Маҳаллабай” ишлаш тизими асосида аҳоли хонадонларининг санитария-гигиеник орасталигини таъминлаш билан боғлиқ муаммоларни ҳал этиш, фуқароларнинг санитария маданиятини ошириш, юқумли паразитар касалликларнинг олдини олиш, инсон саломатлигига таъсир этувчи омилларни ўрганиш ва бартараф этиш, шунингдек, атроф-муҳитни муҳофаза қилиш борасида санитария-гигиена талаблари билан боғлиқ тарғибот ишлари олиб борилмоқда.

“Маҳаллабай” ишлаш тизимида туман СЭО ва ЖС бўлими мутахассислари томонидан аҳоли хонадонлари ва муассаса-ташкилотларда, умумжамоа жойларидаги озиқ-овқат маҳсулотлари савдоси ва овқатланиш ўринларида ҳамда МТТлар, ўқув муассасаларида Ўзбекистон Республикасининг 2015 йилдаги “Аҳолининг санитария эпидемиологик осойишталиги тўғрисида”ги Қонуни, 1996 йилдаги “Фуқаролар соғлигини сақлаш тўғрисида”ги Қонуни ижроси бўйича тегишли ишлар олиб борилмоқда. Мавсумий касалликлардан грипп ва ўткир респиратор касалликлари, ўткир юқумли ичак касалликлари, ботулизм, ўткир ва сурункали вирусли гепатит касалликлари, болалар орасида кўп учрайдиган гижжа касалликлари, ўта хавфли бўлган юқумли, яъни қутуриш, геморрагик иситма, куйдирги касалликлари профилактикаси тўғрисида маълумотлар берилиб, тарғибот тадбирлари ўтказилмоқда.

Юқумли касалликларнинг олдини олишга қаратилган иммунопрофилактика самарадорлиги тўғрисида ҳамда ичимлик сувига қўйиладиган гигиеник талаблар, хонадонларда санитария-гигиена талабларига мос равишда ҳовли қурилмаларини жойлаштириш, ошхона жиҳозларини тоза сақлаш ва ҳар кунги ҳосил бўлган чиқиндиларнинг ўз вақтида олиб кетилишини таъминлаш билан боғлиқ муаммоларнинг ечимини ҳал этиш тўғрисида ҳам тегишли тартибда тушунтириш ишлари олиб борилмоқда.

Бу каби амалий ишлар ҳудудларда санитария-гигиеник ҳолатни яхшилаш, аҳолининг санитария маданиятини оширишда муҳим аҳамият касб этмоқда.

Т.Бабаниязов, туман Санитария-эпидемиологик осойишталик ва жамоат саломатлиги бўлими санитария-шифокори.