Жайхун илҳомлари

КУЗ ҲАВОСИ

Куз ҳавоси кўнгилли бугун,

Кўрки ажиб кўринди бугун.

Келтирган файз, они бошқача,

Кўрмагандим то шу ёшгача.

Кўз ўнгимда балқиган бу дам,

Айлай баён боғ васфини ҳам.

Қушлар қувноқ, гала бўлишиб,

Шохлар учи қадар қўнишиб,

Туришади чорлаб боғ томон,

Сайроқилар сайрасин омон!

Олтин мавсум кўрсатиб кучин,

Унум берган далалар учун.

Куйлаб, кездим қишлоқ оралаб,

Полизларда тарвуз саралаб.

Қовунлар ҳам кўринди кўп-кўп,

Еб кўргандим, бол бўлибди хўб.

Ўғил-қизми, ўйнаб-кулишар,

Кун файзидан мамнун бўлишар.

Бизнингдеклар қанчадан-қанча,

Чақчақлашиб қуёш ботганча.

Гурунг қуриб борида фурсат,

Ўтиришар, дам шу, ғанимат.

Тўкин кузга шукрона айта,

Туриб бир-бир уйларга қайтар.

Куз ҳавоси сафоли бугун,

Куй-навоси садоли бугун!

Жумабой ҲИДОЯТОВ,

"Жайхун илҳомлари "ННТ аъзоси.

Зор-у зор кутдим

(Қўшиқ)

Неча тонгни ухламай кутдим,

Ўзни тубсиз денгизга отдим.

Сўнгсиз ўй-у хаёлга ботдим,

Жоним, сени ёниблар кутдим.

Бир бора ҳол сўрасанг эди,

Дардга дармон бўлолсанг эди.

Келинг, дея чорласанг эди,

Жоним, сени шунчалар кутдим.

Мен сен, дея ютдим аламлар,

Бедор ўтди нечалаб тунлар.

Бошларимга солдинг не ғамлар,

Жоним, сени зор-у зор кутдим.

Сенсиз қанча кунлар ўтмоқда,

Бир бечора ғамлар ютмоқда.

Билсанг, бедор, бедор кутмоқда,

Бир бора кел, ўртаниб кетдим.

Ой нурлари тушар хонамга,

Дадажоним дебди онамга:

“Тўй қилайлик, айтгин болангга”,

“Майли”, деган иқроринг кутдим.

Асадбек Отажонов,

ҚДУ талабаси.

ДУГОНАЛАРИМ

Тўрталамиз юрамиз,

Бирга суҳбат қурамиз.

Ҳеч қачон ажралмаймиз,

Тўрт дугона бўламиз.

Биз жуда сабрлимиз,

Қўрқмаймиз ҳеч нарсадан.

Тугамайди меҳримиз,

Ажралмас ва ҳамқадам.

Иродали, гўзалмиз –

Мард дугона бўламиз.

Опа-сингилдай доно,

Меҳри жаҳон бўламиз.

Биримиз хафа бўлсак,

Дарров кўнглин оламиз.

Шодланиб, тўлиб-тошсак,

Бирга баҳам кўрамиз.

Машҳура Ражабова, 2-сонли мактаб ўқувчиси.