МАКТАБЛАРДА БИРИНЧИ ҚЎНҒИРОҚ САДОЛАРИ ЯНГРАДИ
Бугун – 4 сентябрь куни эрта тонгдан ўқувчи ўғил-қизлар дилларида бир олам қувонч билан жонажон мактаблари сари йўл олдилар. Юртимиздаги барча таълим даргоҳларида “Янги ҳаёт учун, Янги Ўзбекистон учун!” шиори остида 2023-2024 ўқув йили бошланишига бағишланган “Биринчи қўнғироқ” тадбирлари бўлиб ўтди.
Амударё туманидаги 82-сонли умумий ўрта таълим мактабида ҳам “Салом – мактабим!” номли тадбир ўтказилди.
Тадбирда туман ҳокимининг ёшлар сиёсати, ижтимоий ривожлантириш ва маънавий-маърифий ишлар бўйича ўринбосари Маҳмуд Шерметов, Олмазор маҳалла фуқаролар йиғини раиси Озод Мадраимов, ёшлар етакчиси Алибек Собиров , мактаб ўқитувчилари, ўқувчилари ҳамда ота-оналар иштирок этди.
Тадбирда сўзга чиққанлар ўқувчиларни бошланаётган янги ўқув йили билан қутладилар ва ўқишларида муваффақиятлар тиладилар. Мактаб директори Зафар Ахманов мактабнинг ўтган ўқув йили давомида эришган ютуқларига тўхталиб, янги ўқув йилидаги режалар хусусида тўхталиб ўтилди ҳамда мамлакатимизда ёшларга қаратилаётган эътибор бугунги катта муваффақият ва ютуқларнинг калити бўлаётганини таъкидлади.
Тадбирда 1-синфга қабул қилинган болажонларга Президент совғалари – мактаб сумкаси ва 12 турдаги предметдан иборат дарсликлар, ўқув қуроллари топширилди. Тадбир давомида ўқувчи-ёшлар томонидан тайёрланган Ватанни мадҳ этувчи шеър ва қўшиқлардан иборат байрам дастури намойиш этилди.
Шундан сўнг, барча синфларда “Мустақиллик дарси” билан янги ўқув йили бошланди. “Мустақиллик дарси”да ўқувчиларга халқимизнинг 32 йил давомида эришган ютуқлари, бугунги кунда мамлакатимизда амалга оширилаётган ислоҳотларнинг мазмун-моҳияти борасида кенг маълумотлар берилди.
Туманимизнинг Босув маҳалласида жойлашган 26-сонли умумтаълим мактабида ҳам “Биринчи қўнғироқ” тадбири бўлиб ўтди. Тадбирда туман Мактабгача ва мактаб таълими бўлими мудири Саида Содиқова, ўқитувчи-мураббийлар, ўқувчилар ҳамда уларнинг ота-оналари қатнашди. Тадбир меҳмонлари синфхоналарга кириб, барча устозларни, ўқувчиларни, мактаб остонасига илк қадамини қўйган 1-синф ўқувчиларини янги ўқув йилининг бошланиши билан табрикладилар.
“Мустақиллик дарси”да ўқувчиларга Ватанимиз тарихи ва шонли ўтмиши, истиқлолга эришиш йўлидаги машаққатлар ҳақида маълумотлар берилиб, юртимизда таълим соҳасида амалга оширилаётган ишлар, ўтган ўқув йилида мактабда эришилган ютуқлартилга олинди. Шунингдек, болаларнинг пухта билим олиши, ҳаётда ўз ўрнини топиши фидойи устозларнинг беминнат меҳнатига боғлиқ экани алоҳида таъкидланди.
Айтиш керакки, ўтган ўқув йилида мактабни 18 нафар ўқувчи битирган бўлса, шундан 11 нафари давлат олий таълим муассасаларига талабаликка қабул қилинди. Ушбу битирувчилардан 6 нафари давлат гранти асосида, 5 нафари эса тўлов-шартнома асосида олий таълим даргоҳлари талабалари бўлишди. Мактаб ўқувчиларининг олий таълимга кириш балли ўртача 95 баллни ташкил қилди.
Жорий ўқув йилида яна биринчи синфларга 40 нафар ўқувчи қабул қилиниб, айни пайтда уларга билимли ва тажрибали ўқитувчилар таълим-тарбия беришни бошладилар.
Шу куни тумандаги барча – 85 та умумтаълим мактабларида янги ўқув йилининг илк дарси бошланиб, ўқувчилар қунт билан билим олишга киришдилар.
Туман ҳокимлиги Ахборот хизмати
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
