Ўзбекистон Республикаси Президентлигига номзоднинг ишончли вакили сайловчилар билан учрашди
Ўзбекистон халқи муҳим сиёсий-ижтимоий воқеа арафасида турибди. Шу йилнинг 9 июль куни ўтказиладиган Ўзбекистон Республикаси Президенти сайлови халқимизнинг келажаги, фаровонлиги, давлатимизнинг тараққиёти билан боғлиқ муҳим сиёсий жараёндир.
Сайловолди тарғиботи кампанияси доирасида Ўзбекистон Халқ демократик партиясидан президентликка номзод Улуғбек Иноятовнинг ишончли вакили Халилла Ешимбетов амударёлик сайловчилар билан учрашди.
Бўлиб ўтган мулоқотда сайловчилар, талаба-ёшлар, жамоат ташкилотлари, фуқароларнинг ўзини ўзи бошқариш органлари вакиллари, маҳаллий кенгаш депутатлари, партия фаоллари иштирок этишди.
Учрашувда Ўзбекистон Халқ демократик партияси Қорақалпоғистон Республика Кенгаши раиси, прехидентликка номзоднинг ишончли вакили Халилла Ешимбетов сайловчиларга номзоднинг таржимаи ҳоли ҳақида батафсил маълумот берди.
Сайловчилар ҳузурида чиқиш қилган ишончли вакил номзоднинг сайловолди дастуридаги устувор йўналишларга тўхталиб ўтди.
Жумладан, дастурда кучли ижтимоий сиёсат, арзон уй-жой ва сифатли коммунал хизматлар, кафолатли ва сифатли тиббий ёрдам кўрсатиш, ёшлар учун таълим кафолатларини мустаҳкамлаш, ижтимоий йўналтирилган бозор иқтисодиёти, товар ва хизматларнинг ижтимоий мақбуллиги, ижтимоий тенгликка асосланган демократия, суд-ҳуқуқ ислоҳотлари, конструктив ташқи сиёсатга оид 9 та устувор йўналиш бўйича аниқ ва манзилли таклиф ҳамда ташаббуслар илгари сурилган.
Бундан ташқари, Халилла Ешимбетов Ўзбекистон Халқ демократик партиясининг дастурий мақсади – ижтимоий давлат концепцияси экани, шу боисдан ҳам янги таҳрирдаги Конституцияда белгиланган ижтимоий давлат мақомидан келиб чиқиб, давлатнинг ижтимоий мажбуриятларини самарали амалга ошириш механизмларини мустаҳкамлаш ҳамда демократик ижтимоий давлатни барпо этишга алоҳида эътибор қаратилгани хусусида тўхталиб ўтди.
Ишончли вакил ўз маърузасида Қорақалпоғистон Республикасини ижтимоий-иқтисодий ривожлантиришнинг истиқболдаги имкониятлари ҳақида тўхталди.
Хусусан, номзод дастуридаги аҳоли, айниқса, ёшлар ва хотин-қизларни доимий иш билан таъминлаш, ногиронлиги бўлган ва имконияти чекланган шахслар учун барқарор иш ўринлари яратиш, инфратузилмани яхшилаш, ичимлик суви, электр, табиий газ таъминоти билан боғлиқ муаммоларни бартараф этишга қаратилган ташаббусларга эътибор қаратди.
Очиқ, самимий мулоқот руҳида ўтган учрашувда сайловчилар ўзларини қизиқтирган саволлар билан президентликка номзоднинг ишончли вакилига мурожаат қилдилар.
Учрашувда сўзга чиққан фаоллар Халқ демократик партиясидан Ўзбекистон Президентлигига номзод Улуғбек Иноятовнинг сайловолди дастурини қўллаб-қувватлашларини, барча амударёлик сайловчиларни сайловда ушбу номзодга овоз беришга даъват қилдилар.
Туман ҳокимлигининг Ахборот хизмати.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
