КОМБАЙНЛАРНИНГ ҒАЛЛА ЎРИМИГА ТАЙЁРЛИГИ НАЗОРАТДАН ЎТКАЗИЛДИ
Шу кунларда қишлоқ хўжалиги соҳасида долзарб бўлган ғалла ўрими мавсуми ҳам яқинлашмоқда. Мавсум арафасида заҳматкаш деҳқонларимиз меҳнати билан етиштирилган ғалла ҳосилини нес-нобуд қилмай йиғиштириб олиш мақсадида пухта тайёргарлик, ҳозирлик кўрилмоқда. Амударё туманида ҳам ғалла-ўрим йиғим ишлари 12 июндан 1 июлгача бўлган кунлар оралиғида ўтказилиши режа қилинмоқда.
7 июнь куни Куюк кўпир овулида жорий йилги ғалла-ўрим йиғимида иштирок этадиган комбайнларнинг мавсумга шайлиги, уларнинг техник жиҳатдан созлиги кўздан кечирилиб, назоратдан ўтказилди. Ушбу тадбирда Ўзагроинспекциянинг Қорақалпоғистон Республикаси бошқармаси масъуллари, тумандаги раҳбарлар ҳамда бошка тегишли ташкилотлар масъуллари иштирок этишди.
Масъуллар ўрим-йиғимга тайёргарлик ишлари, комбайнларнинг таъмирланганлиги, техник созлиги, мавсумга шайлигини кўздан кечириб, отрядлар аъзолари, қишлоқ хўжалиги тизимидаги корхона раҳбарлари билан суҳбатлашишди. Шунингдек, тадбир давомида мавсумда ўрим-йиғим иштирокчиларини моддий жиҳатдан рағбатлантириш лозимлиги алоҳида таъкидланди ва комбайнчиларга озиқ-овқат маҳсулотлари топширилди. Шунингдек, улар учун дала бошида қулай шароитлар яратиб бериш юзасидан тегишли масъулларга кўрсатмалар берилди.
Таъкидлаш жоизки, Амударё туманида жорий йилда фермер хўжаликларининг 7 минг гектар ер майдонида ғалла етиштирилди. Ушбу етиштирилган буғдой ҳосилини қисқа муддатларда нес-нобуд қилмасдан ўриб-йиғиб олишни тизимли ташкил этиш мақсадида чора-тадбирлар Дастури тасдиқланиб, аниқ ҳисоб-китоблари ишлаб чиқилди. Ҳисоб-китобларга кўра, ўрим-йиғим ишларини ташкил этишга 5 млрд. 33 млн. сўм қийматидаги маблағлар сарф қилиниши маълум бўлди. Ушбу маблағлардан 2 млрд. 43 млн. сўм ғаллани ўриб олиш, 1 млрд. 89,4 млн. сўм ўрилган донни ташиш, 1 млрд. 900,8 млн. сўм сомондан тозалаш учун сарф этилади.
Жорий йилда ғалла ўрим-йиғими мавсумини уюшқоқлик билан ўтказиш мақсадида 18 та отрядлар ташкил этилди. Ушбу отярдларга 18 дона дон ўриш комбайнлари, 54 дона юк автомобиллари, 36 дона транспорт тракторлари ва тиркамалар, 18 дона ёқилғи ташиш воситалари жалб этилади. Ундан ташқари, турли кўнгилсиз ҳодисаларнинг олдини олиш мақсадида 18 нафар Ички ишлар, Миллий гвардия ва Фавқулодда вазиятлар бўлими ходимларидан иборат масъуллар бириктирилди. Мавсум давомида техникалар шайлигини таъминлаш учун ҳар бир отрядда алоҳида 18 та кўчма устахоналар ҳам ташкил этилди.
Бугунги кунда ғалла ўрим йиғимида иштирок этадиган комбайнлар тўлиқ таъмирдан чиқарилиб, мавсумга тайёр ҳолатга келтирилган. Шу пайтга қадар ўрим-йиғим ишларини қисқа муддатларда якунлаб, ғалладан кўзланган ҳосилни йиғиб-териб олиш бўйича барча зарурий чоралар кўрилган.
Тадбир давомида комбайнларни таъмирлаш ишларини якунлаш, созлаш ва синов кўригидан ўтказиш масалалари ҳам белгилаб олинди. Шунингдек, камчиликларни бартараф этиш бўйича тегишли мутасаддиларга кўрсатма ва тавсиялар берилди.
О.Худойберганова.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
