САНИТАРИЯ ЭПИДЕМИОЛОГИК-ОСОЙИШТАЛИК ВА ЖАМОАТ САЛОМАТЛИГИ БЎЛИМИ МУТАХАССИСЛАРИ “МАҲАЛЛАБАЙ” ИШЛАШ ТАРТИБИДА МУАММОЛАРНИ ЎРГАНИШМОҚДА

Амударё тумани санитария эпидемиологик-осойишталик ва жамоат саломатлиги бўлими мутахассисларининг туман аҳоли пунктларида аҳолининг санитария-эпидемиологик осойишталиги билан боғлиқ муаммоли масалаларини ҳал этишнинг янгича “маҳаллабай” ишлаш тизимини ташкил этиш орқали халқимизнинг санитария маданиятини юксалтиришга алоҳида эътибор қаратишмоқда.

Шу мақсадда Амударё тумани санитария эпидемиологик-осойишталик ва жамоат саломатлиги бўлими бошлиғи Гулмурод Бекиев бошчилигида бир гуруҳ мутахассислар Чойкўл ОФЙ ҳудудида ахоли хонадонларининг орастилигини таъминлаш билан боғлиқ муаммоларни ҳал этиш ва овул аҳолисининг санитария маданиятини ошириш, аҳоли орасида юқумли, паразитар касалликлар келиб чиқишининг олдини олиш ва инсон саломатлигига таъсир этувчи омилларни ўрганиш ҳамда бартараф этиш, шунингдек, атроф-муҳитни муҳофаза қилиш борасида жамоатчилик вакиллари билан бирга аҳоли хонадонларига кириб, санитария-гигиена тарғибот ишларини амалга оширмоқдалар.

Аҳоли хонадонларини ўрганиш натижасида аниқланган муаммолар ечими тўғрисида жорий йилнинг 25 май куни Чойкўл овул фуқаролар йиғини биносида аҳоли билан очиқ мулоқот тарзидаги учрашув ўтказилди. Учрашув тадбирида фуқаролар, ишчи гуруҳ аъзолари, маҳалла фаоллари, ҳудуддаги корхона ва ташкилотлар ходимлари, тадбиркорлар қатнашдилар.

Тадбир давомида Амударё тумани санитария эпидемиологик-осойишталик ва жамоат саломатлиги бўлими бошлиғи Гулмурод Бекиев, Ўзбекистон Республикаси “Аҳолининг санитария-эпидемиологик осойишталиги тўғрисида”ги, “Фуқаролар соғлигини сақлаш тўғрисида”ги Қонунлари ижроси бўйича туманда олиб борилаётган ишлар ва аҳоли орасида учрайдиган баъзи ўткир юқумли ичак касалликлари, ўткир ва сурункали вирусли гепатит касалликлари, ўта хавфли юқумли касалликлар ҳамда паразитар безгак касаллигининг олдини олишдаги самарадор усуллар тўғрисида маълумотлар берди.

Бундан ташқари, аҳолининг ичимлик сувига қўйиладиган гигиеник талаблар тўғрисида ҳамда аҳоли хонадонларида ҳовли қурилмаларини санитария-гигиена талабларига мос равишда жойлаштириш, ошхона жиҳозларини тоза сақлаш ва ҳар кунги ҳосил бўлган чиқиндиларнинг ўз вақтида олиб кетилишини таъминлаш билан боғлиқ муаммолар ечимини ҳал этиш, юқумли касалликларнинг олдини олишга қаратилган асосий тадбирлар тўғрисида зарур тушунчалар берди.

Ишчи гуруҳнинг Чойкўл овули ҳудудидаги аҳоли хонадонларини ўрганишлари натижасида аниқланган муаммоларни бартараф этиш мақсадида Санитария эпидемиологик-осойишталик ва жамоат саломатлиги бўлими ҳамда маҳалла раиси, маҳалла фаоллари аҳолига Санитария-эпидемиологик осойишталиги билан боғлиқ муаммоли масалаларини ҳал этиш, хонадонларнинг санитария ҳолати, ичимлик сув манбалари ва ҳовли санитария қурилмалари ҳамда хонадон ошхонаси, уларнинг жиҳозланиши, идишларнинг тўғри ювилиши, чиқиндиларнинг олиб кетилиши билан боғлиқ муаммолар ечими тўғрисида ўз таклифларини бердилар.

Тадбир давомида мутахассислар томонидан аҳоли орасида юқумли, паразитар, айниқса, қутириш касалликларнинг олдини олиш ва инсон саломатлигига таъсир этувчи омилларни ва уларни бартараф этиш, шунингдек, атроф-муҳитни муҳофаза қилиш борасидаги ўзларининг тегишли тавсияларини бердилар.

Жамол Камолов, Амударё тумани СЭО ва ЖС паразитолог-шифокори.