РЕФЕРЕНДУМ УЧАСТКАЛАРИНИНГ АЛОҚА ҚУРИЛМАЛАРИ ВА ИНТЕРНЕТ БИЛАН ТАЪМИНЛАНГАНЛИГИ КЎЗДАН КЕЧИРИЛДИ
Юртимизда яқин кунларда, яъни 30 апрель куни бўлиб ўтадиган сиёсий жараён – Конституциявий қонун лойиҳаси бўйича референдумга қизғин ҳозирлик кўрилмоқда. Қонунчиликда белгиланган тартибда ҳамда Ўзбекистон Республикаси Марказий сайлов комиссиясининг Референдумга тайёргарлик кўриш ва уни ўтказиш бўйича режасига мувофиқ, барча чора-тадбирлар босқичма-босқич амалга оширилмоқда. Айни пайтда ҳудудларда тузилган участкалар Референдумга тайёр қилиб қўйилди.
“Ўзкомназорат” инспекцияси Қорақалпоғистон Республикаси ҳудудий бўлими ва Рақамли технологиялар вазирлиги Қорақалпоғистон Республикаси ҳудудий сектори масъуллари Амударё туманидаги Референдум участкаларида бўлиб, ўрганиш ишларини олиб бордилар. Масъуллар томонидан Референдум участкаларида алоқа қурилмалари, интернет хизматларининг узлуксиз ва сифатли ишлаши кўздан кечирилиб, текширилди. Шунингдек, сайловчиларнинг ягона электрон рўйхати ва сайлов жараёнини бошқариш ахборот тизимидан фойдаланишнинг техник имкониятлари ўрганилди.
Маълумки, “Ўзбекистон Республикасининг референдуми тўғрисида”ги Ўзбекистон Республикаси Қонунига кўра, референдум участкалари референдум ўтказувчи округ комиссиялари томонидан туманлар, шаҳарлар, шаҳарлардаги туманларнинг чегараларини инобатга олган ҳолда, референдумда иштирок этиш ҳуқуқига эга бўлган фуқароларга мумкин қадар кўпроқ қулайлик яратиш мақсадида тузилади. Шу жумладан, ҳарбий қисмлар, санаторийлар, дам олиш уйлари, касалхоналар ва бошқа стационар даволаш муассасаларида, олис ва бориш қийин бўлган ерлардаги фуқаролар турган жойларда, қамоқда сақлаш ва озодликдан маҳрум этиш жойларида ҳам референдум участкалари тузилади. Бундан ташқари, мазкур Қонунда хориждаги фуқароларимизнинг ўз ҳуқуқларидан фойдаланишлари учун шароит яратиш мақсадида Ўзбекистон Республикасининг хорижий давлатлардаги дипломатик ва бошқа ваколатхоналари ҳузурида ҳам референдум участкалари тузилиши мумкинлиги кўрсатилган.
Ўзбекистон Республикаси Референдумини ўтказувчи 1-Қорақалпоғистон округ комиссияси қарорига кўра Амударё туманида 64 та участка тузилди. Улардан 57 таси умумтаълим мактаблари, 2 таси маданият уйи, 3 таси техникум ва касб-ҳунар мактаблари, 1 таси туман Спорт мактаби, 1 таси Болалар мусиқа ва санъат мактаби биносида жойлаштирилган. Ушбу участкалардаги референдум ўтказувчи комиссиялар томонидан тайёргарлик ишлари ўз муддатида олиб борилиб, референдум кунига тайёр қилиб қўйилди. Участкаларнинг ҳар бирига телефон алоқаси ўрнатилиб, янгидан рақамлар берилди. Шунингдек, Олмазор маҳалласидаги 95-референдум участкаси ва Фаровон маҳалласидаги 93-референдум участка марказлари видеокузатув камералари билан таъминланди. Айни пайтда интернет хизматлари билан таъминлаш ишлари ҳам амалга оширилиб, алоқа сифатини янада яхшилашга эътибор қаратилмоқда.
Ундан ташқари, участкалар зарур ўқув қўлланмалар, сиёсий-ҳуқуқий билимларни мустаҳкамлашга қаратилган бошқа адабиётлар билан ҳам таъминланган. Референдумни қонун талабларига мувофиқ тарзда ўтказиш мақсадида референдум ўтказувчи участка комиссиялари аъзолари учун ўқув-семинарлар ташкил этиш, уларнинг сиёсий-ҳуқуқий билимлари, амалий кўникмаларини бойитиш ҳам режалаштирилган.
О.Худойберганова.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
