СУВ ТЕЖОВЧИ ТЕХНОЛОГИЯЛАРНИ ҚЎЛЛАШГА ОИД КЎРГАЗМАЛИ СЕМИНАР ЎТКАЗИЛДИ
Кейинги йилларда мамлакатимизда қишлоқ хўжалиги ерларининг самарадорлигини оширишда сув тежовчи технологиялардан фойдаланишга, сув тақчиллиги шароитида ҳам кўзланганидай ҳосил олишга эътибор кучаймоқда. Маълумки одатда суғориладиган майдонларга сув етказиб бериш ва таъминлашда анча йўқотишлар содир бўлар эди. Чунки, сув етказиб берувчи тармоқларнинг аксар қисми бетон қопламага эга эмас. Шу боисдан ҳам қишлоқ хўжалиги экинлари экиладиган майдонларда анънавий суғориш усулидан воз кечиб, сув тежовчи технологиялардан фойдаланиш бугунги куннинг талабидир.
Бутун республикамизда бўлгани каби ушбу технологиялар Амударё тумани қишлоқ хўжалигига ҳам кенг жорий этилмоқда. Ўтган йили жами 3800 гектар экин майдони ана шундай усулда суғорилди. Шундан 3730 гектари томчилатиб суғориш, 30 гектари ёмғирлатиб суғориш, 40 гектари эса дискрет суғориш технологиялари асосида суғорилди.
Жорий қишлоқ хўжалик йилида жами 2630 гектар экин майдонида, шундан 2340 гектарида томчилатиб, 250 гектарида ёмғирлатиб, 40 гектарида дискретли суғориш тизимидан фойдаланилди.
Бунда сув исроф бўлишининг олди олдиниши деҳқонлар учун айни муддао бўлаётир. Шунингдек, анъанавий суғориш усулидагидан экинлар ҳосилдорлиги сезиларли олмоқда. 145 гектар ғалла майдонларини ёмғирлатиб суғориш ишлари банк кредити маблағи ҳисобига молиялаштирилди.
13 октябрь куни Амударё туманининг Тўлқин овулидаги 2023 йил ҳосили учун экилган ғалла майдонида туман Ирригация бўлими ташаббуси билан ғалла майдонини эгалувчан қувурлар ёрдамида суғоришни жорий этишга бағишланган кўргазмали семинар бўлиб ўтди. Тадбирда туман қишлоқ хўжалигига масъуллари, фермер хўжаликлар раҳбарлари, ғаллачилик кластерлари раҳбарлари иштирок этдилар.
Семинарда Қорақалпоғистон Республикаси Сув хўжалиги вазирлиги масъуллари, Амударё тумани ҳокимининг қишлоқ ва сув хўжалиги масалалари бўйича ўринбосари Ислом Маткаримов ва эгилувчан қувурлар ёрдамида суғориш технологиясини ишлаб чиқарувчи “GREN BELT FERGANA” масъулияти чекланган жамияти корхонаси ходими Санжар Мухтаровлар томонидан ғалла майдонларида ҳамда бошқа экин майдонларда эгилувчан қувурлар орқали суғоришнинг афзалликлари батафсил тушунтирилди.
Шуниси эътиборлики, 2023 қишлоқ хўжалик йилида сув тежайдиган технологиялар ёрдамида суғориладиган экин майдонлари 3240 гектарга етказилади. Шундан 1900 гектар пахта, 175 гектар боғ, 200 гектар узумзор, 600 гектар бошқа экинлар томчилатиб, 190 гектар ғалла майдонлари, 10 гектар сабзавот, 5 гектар озуқабоп экинлар ёмғирлатиб, 150 гектар экин майдонлари дискретли суғориш технологияси орқали, 800 гектари эса эгилувчан қувурлар орқали суғорилиши режаштирилган.
Айтиш керакки, Ўзбекистон Республикаси Президентининг 2022 йил 1 март кунги “Қишлоқ хўжалигида сувни тежайдиган технологияларни жорий этишни янада такомиллаштириш чора-тадбирлари тўғрисида”ги қарори билан Қишлоқ хўжалиги маҳсулотлари ишлаб чиқарувчиларига сувни тежайдиган суғориш технологияларини жорий этиш бўйича харажатларнинг бир қисмини қоплаш учун субсидиялар ажратилиши белгиланган.
Тадбирда шу ҳақда ҳам батафсил маълумотлар берилди ва иштирокчиларни қизиқтирган саволларга жавоблар берилди.
Ойгул РАЖАБОВА.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
