УСТОЗ МЕҲНАТИ МАСЪУЛИЯТЛИ, ШАРАФЛИ

Туман Халқ таълими бўлимига қарашли барча умумтаълим мактабларда янги ўқув йили пухта тайёргарликлар билан бошланди. Ободонлаштириш ва қурилиш-таъмирлаш, ўқувчиларни қабул қилиш жараёнига тайёргарлик олиб борилди. Туманимиздаги мавжуд 85 та умумий ўрта таълим мактаблари 32725 ўқувчи ўрнига мўлжалланган бўлиб, бугунги кунда 38496 нафар ўқувчилар таълим-тарбия олишмоқда.
2021-2022 ўқув йили олдидан 14-, 55-, 76-мактабларда қурилиш-таъмир-лаш ишлари белгиланиб, 14-сонли мактабга 180 ўринли, 55-сонли мак-табга 330 ўринли, 76-сонли мактабга 360 ўринли қўшимча бино қурилмоқда. Шунингдек, Президент Қарори ва “2022 йилда ижтимоий ва ишлаб чи-қариш инфратузилмасини ривож-лантириш дастури” асосида 18-, 14-, 36-сонли мактаблар биноларига 180 ўринли қўшимча бино қурилиши бошланиб, якунланиш арафасида турибди. Шунингдек, 2022 йилда 2 та (3-, 26-сонли) мактаб филиалида 750 млн. сўмлик қурилиш-таъмирлаш ишлари олиб борилиб, якунига етка-зилди. Аёқчи маҳалласида жойлашган 69-мактабга “Обод қишлоқ” дастури асосида 2 млрд. 300 млн. сўм маблағ ажратилиб, “Амударё махсус қурилиш” МЧЖ томонидан 180 ўринли қў-шимча бино қурилмоқда. Арнабўйи маҳалласида жойлашган 27-сонли мактабда open budget маблағи ҳисо-бидан 999 млн. сўм ва маҳаллий бюджет ҳисобидан 1 млрд. 161 млн. сўм маблағ ажратилиб, бугунги кунда қурилиш-таъмирлаш ишлари жадал суръатларда кетмоқда. 11-сонли мактабда "Агробанк" ОАТБ нинг 200 млн. сўмлик ҳомийлик маблағлари ҳисобидан сунъий қопла-мали спорт майдончаси қуриш ишлари олиб борилмоқда.
2022 йил  1-ярим йиллигида 4-, 15-, 19-, 46-, 53-сонли мактаблар Корея Рес-публикасининг "Эксимбанк" лойиҳаси ҳисобидан, ҳар бир мактабга 16 донадан жами 80 дона замонавий компьютер техникалари ҳамда 9-, 36-, 58-, 72-, 77-, 86-сонли мактабларга Вазирлар Маҳкамасининг  2021 йил 29 ноябрь кунги “Ёшларни “Бир миллион дастурчи” лойиҳаси доирасида ўқитиш бўйича қўшимча чора-тадбирлар тўғрисида”ги қарори асосида Республика бюджети маблағлари ҳисобидан 11 донадан жами 66 дона замонавий компьютер техни-калари етказиб берилди.
Шунингдек, 2022 йил август ойида 16- ва 76-сонли мактаб-ларга хорижий тилларни ўқи-тишни янада самарали таш-кил қилиш бўйича қиймати 23 млн. сўмлик 1 дона интерактив доска ва қиймати 9,2 млн. сўм-лик 2 дона ноутбук ҳамда 15 дона видеопроектор етказиб берилди.
2021-2022 ўқув йилида 11-синфни битирган 2582 на-фар ўқувчидан 2394 нафари ОТМларга ҳужжат топшириб, 571 нафари талаба бўлдилар. Шундан 170 нафари давлат гранти асосида, 401 нафари контракт асосида талабаликка қабул қилинди. Бу ўтган йилга нисбатан 2,6 фоизга ошди.
Бугунги кунда мавжуд мак-табларда 4064 нафар педагог ходимлар фаолият юритади. Уларнинг 3798 нафари олий, 208 нафари ўрта-махсус маълу-мотли, шу жумладан, 185 нафа-ри олий тоифали, 642 нафари I тоифали, 1239 нафари II малака тоифали ва 1790 нафари мута-хассис ўқитувчилар саналади.     
Мамлакатимизда ўқитувчи-лар меҳнатини рағбатлантириш мақсадида 2021 йилдан бошлаб инглиз ва рус тили фанидан 50 фоиз махсус устама олиш ҳуқуқини берувчи миллий ва халқаро С1 сертификати бе-риш тартиби жорий этилди. Мактабларда  миллий ва унга мос даражадаги халқаро сер-тификатга эга, ойлик маошига 50 фоиз устама оладиган инг-лиз тили фани ўқитувчилари 28 нафар. Шунингдек, Ўзбекистон Республикаси Халқ таълими вазирлиги ва Россия Федера-цияси таълим вазирлиги билан ҳамкорликда “Класс” лойиҳаси асосида рус тили фанидан 70 нафар ўқитувчи халқаро С1 сертификатга эга бўлдилар.  
Ўқитувчилик шарафли ва  масъулиятли касб. Ана шундай улуғ касбда меҳнат қилаётган барча ўқитувчи ва мураб-бийларни касб байрами билан қизғин қутлайман ва келгуси ишларида муваффақиятлар ти-лайман.

Ибрагим РажаБов,
туман ХТБ мудири ўринбосари.