82-сонли мактабда ўтказилган "Билимлар куни" тадбирида туман ҳокими С.Йўлдошев иштирок этди
5 сентябрь куни юртимиздаги барча умумтаълим мактабларда “Билимлар куни” кенг нишонланиб, “Биринчи қўнғироқ” тадбирлари бўлиб ўтди. Амударё туманидаги 85 та умумтаълим мактабларида ҳам биринчи қўнғироқ садолари янграб, таълим масканлари болажонларни ўз бағрига чорлади.
Манғит шаҳрининг Олмазор маҳалласи ҳудудидаги 82-сонли мактабда бўлиб ўтган “Биринчи қўнғироқ” тадбирида туман ҳокими Султонбой Йўлдашев иштирок этди.
Туман ҳокими дастлаб барчани Ватанимиз мустақиллигининг 31 йиллиги билан қизғин муборакбод этиб, таълим соҳаси ходимларини, мазкур мактаб ўқувчилари сиймосида туманимиздаги умумтаълим мактабларда таълим олувчи 37 минг 965 нафар ўқувчиларни “Билимлар куни” – янги ўқув йилининг бошланиши билан самимий табриклади. Шунингдек, жорий йилда туманимиздаги мактабларнинг 1-синфга қабул қилинаётган 4 минг 390 нафар болажонларнинг келгуси ўқишларида омад тилади.
Тадбир давомида сўзга чиққанлар ўқувчиларни давлатимиз томонидан яратиб берилган шарт-шароитлар, имкониятлардан тўлиқ фойдланиб, шижоат билан билим олишга, Ватанимиз корига ярайдиган муносиб фарзанд бўлиб етишишга даъват этди. Шунингдек, янги ўқув йили барча ўқитувчи ва мураббийларга, ўқувчиларга муваффақиятли, таълим сифати ва самарадорлиги ҳар йилдагидан ҳам юқори бўлишига тилакдош бўлдилар.
Бугун мактаб остонасига илк қадам қўйган ўқувчиларнинг ҳаяжонлари чексиз, уларнинг мурғак қалбларида Ватан, она, тинчлик, дўстлик каби муқаддас тушунчалар энг аввало, мана шу масканда кенг қулоч ёзиб, шаклланади.
Ҳар йили биринчи синф ўқувчиларига Президент совғаси − 14 хилдаги ўқув қуролларини таънатанли тарзда топшириш анъанага айланган. 82-сонли мактабнинг 1-синфига қабул қилинган болажонларга ҳам Президентимизнинг ушбу совғалари туман ҳокими, халқ таълими бўлими мудири ва бошқа масъуллар томонидан тантанали равишда топширилди.
Шундан сўнг биринчи қўнғироқ садолари жаранглаб, ўқувчилар жонажон синфхоналарига кирдилар. “Янги Ўзбекистонда эл азиз, инсон азиз!” шиори остида ўтказилган Мустақиллик дарсларида ўқувчиларга Ватанимизнинг шонли тарихи, мустақилликнинг қадри ва аҳамияти, юртимизда инсон қадрини улуғлаш, халқ фаровонлигини таъминлаш йўлида амалга оширилаётган ишлар ҳақида кенг тушунчалар берилди.
Туман ҳокими синф хоналарида илк дарс соатлари бошланишини муштоқлик билан кутаётган болажонларни Президент совғалари билан табриклади. Уларнинг келажакда ўз касбининг етук мутахассиси бўлиб етишишларига, устозлари берган таълим ва тарбияси оқлаб, келажакда комил инсонлар бўлиб вояга етишларига тилакдошлик билдирди.
Туман ҳокимлигининг Ахборот хизмати.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
