ЭКИНЛАРНИ БИОЛОГИК ҲИМОЯ ҚИЛИШ СИФАТИНИ ЯХШИЛАШ МАВЗУСИДА СЕМИНАР ЎТКАЗИЛДИ
Мамлакатимиз аҳолисининг кўпчилик қисми қишлоқ жойларда истиқомат қилганлиги боис уларнинг турмуш фаровонлиги қишлоқ хўжалиги тармоғи билан чамбарчас боғлиқ. Шунинг учун ҳам кейинги йилларда аграр соҳага эътибор тобора кучаймоқда, натижада қишлоқ хўжалиги маҳсулотлари етиштириш ҳажми ортиб бормоқда. Бу мамлакатимиз аҳолиси эҳтиёжини ўзимизда етиштирилган маҳсулотлар билан таъминланишининг яхшилашини ва экспорт ҳажмининг ошишида яққол намоён бўлаётир. Эндиликда маҳсулот сифати ва рақобатбардошлигини яхшилаш, экологик тоза маҳсулот етиштиришни ошириш, аграр секторда эспорт ҳажмини яна ҳам кўпайтириш долзарб вазифа бўлиб қолмоқда.
Глобал иқлим ўзгариши оқибатида экинлар зараркунандаларининг кўпайишига қулай шарт-шароитлар яратилиб, янги турдаги касалликлар пайдо бўлишига олиб келмоқда. Бу ўз навбатида уларга қарши курашнинг биологик усулларини янада такомиллаштиришни тақозо этмоқда.
16 апрель куни Қорақалпоғистон Республикаси ўсимликлар карантини ва ҳимояси агентлиги Амударё туман бўлимида ўтказилган семинар ҳам шу мақсадга қаратилди.
Тадбирда Ўзбекистон Республикаси Биосифат маркази директори Мухтор Ҳиббатов, Ўсимликлар карантини ва ҳимояси илмий тадқиқот институти илмий лабораторияси мудири Асан Мамбатназаров, ушбу лаборатория илмий ходими Абдулазиз Йўлдошев, Қорақалпоғистон Республикаси Ўсимликлар карантини ва ҳимояси агентлиги ички карантин бўлими бошлиғи Радмир Сейтмусаевлар, шунингдек, агентлик туман бўлими ходимлари, туманимиздаги мавжуд 16 та биолабораториялар ходимлари иштирок этдилар.
Семинарда туманимизда етиштирилаётган қишлоқ хўжалик экинларини касаллик ва зараркунандалардан асраш ва уларга қарши курашишни самарали ташкил этиш хусусида, ўсимликларни, экинларни биомаҳсулотлар билан зараркунандалар ва касалликлардан ҳимоя қилишнинг афзаллиги хусусида маърузалар қилинди. Ҳар бир гектар экин майдонига биолабораторияларда тайёрланган 1000 донадан уч маротаба 3000 дона олтинкўз билан ишлов бериш, ҳар 2 гектар ерга бир ферамон туткичларни тайинлашни ташкиллаштириш, бу тадбир ҳосилдорлик салмоғи ошишига улкан таъсир ўтказиши кенг тушунтирилди.
Жорий йилда туманимизда 2022 йил ҳосили учун экилган 6000 гектар ғалла майдонларини, шунингдек, 13900 гектар пахта майдонларини ва бошқада қишлоқ хўжалик экинларини заракунанда ҳашоратлар ва турли касалликлардан биологик ҳимоя қилиш юзасидан чора-тадбирлар ишлаб чиқилиб, амалга оширилмоқда.
Семинарда таъкидланганидек, мамлакатимиз Президентининг шу йил февралда қабул қилган “Республикада ўсимликлар карантини ва ҳимоясини тизимини тубдан такомиллаштириш чора-тадбирлари тўғрисида”ги Фармони қишлоқ хўжалиги маҳсулотлари етиштиришнинг муҳим асосларидан бири – ўсимликларни биологик ҳимоя қилиш сифатини яна ҳам оширишга хизмат қилади.
Фармонга мувофиқ биолабораторияларда ишчи-ходимлар сони оширилди ва хонадонбай ишлаш тизими ҳам йўлга қўйилди. Эндиликда деҳқон хўжаликлари ва томорқа ерларга ҳам биологик ишлов берилади ва аҳоли экологик тоза маҳсулотлар етиштириши мумкин бўлади. Шунингдек, аҳолига биомаҳсулотлар тайёрлаш ўргатилиб, ишсиз аҳоли фойдали меҳнат билан шуғулланиб, даромад топишига эришилаяпти.
Семинарда иштирокчиларни қизиқтирган саволларга батафсил жавоблар берилди.
О.РАЖАБОВА.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
