ФУҚАРО МУҲОФАЗАСИ КУНИ МУНОСАБАТИ БИЛАН МАХСУС-ТАКТИК ЎҚУВ МАШҚИ ЎТКАЗИЛДИ
Амударё тумани ҳокими – Фуқаро муҳофазаси бошлиғининг шу йил 31 мартдаги “Амударё тумани ҳудудида 1 апрелдан 1 майга қадар “Фавқулодда вазиятларнинг олдини олиш ва фуқаро муҳофазаси ойлиги”ни ташкил этиш ва ўтказиш тўғрисида”ги 5-сонли буйруғи талабларига асосан амалий махсус-тактик ўқув машқи ўтказилди.
Қипчоқ овулидаги 11-сонли мактабда бўлиб ўтган ўқув машқида Фавқулодда вазиятлар бўлими ходими, капитан Бекзод Тажибоев, туман Санитария-эпидемиологик осойишталик ва жамоат саломатлиги бўлими ходими Муборак Қаландарова, мактаб директори Улуғбек Мамутов, чақириққа қадар бошланғич тайёргарлик бўйича раҳбар Нурбек Аннамурадов ҳамда мактаб ўқувчилари иштирок этдилар.
Тадбирда масъуллар томонидан дастлаб ўқув машқини ўтказишдан мақсад – табиий ва техноген тусдаги фавқулодда вазиятлар юзага келганда мактаб ўқувчиларининг тўғри ҳаракат қилиш кўникмаларини такомиллаштириш, фуқаро муҳофазаси бўйича тузилган гуруҳларни кечиктириб бўлмайдиган авария ва қутқарув ишларига тайёргарлигини кучайтиришдан иборат эканлиги тушунтирилди. Шунингдек, фавқулодда вазиятлар юзага келганда фуқаро муҳофазаси гуруҳлари ўз мажбуриятларини аниқ ва тўғри бажаришни амалиётда синаши ва ўрганиб бориши муҳим аҳамиятга эгалиги, туман фуқаро муҳофазаси хизматларининг ҳамкорликдаги ҳаракатлари такомиллаштирилиб борилиши кераклиги айтиб ўтилди.
Ўқув машқининг амалий қисми икки босқичда ўтказилди. Биринчи босқичда “Мактабда юзага келиши мумкин бўлган фавқулодда вазиятларда фуқаро муҳофазаси гуруҳлари ва мактаб раҳбариятининг ҳаракатлари” мавзусидаги ўқув машқининг назарий қисмида кун тартибидаги масала бўйича ўқувчиларга кенг тушунчалар берилди. Шундан сўнг, ўқувчилар гуруҳларга ажратиб олинди.
Тадбирнинг иккинчи босқичида мактабда кутилмаган авариялар, фавқулодда ҳолат содир бўлганда жабрланганларга Фуқаро муҳофазаси гуруҳлари, туман Ёнғин-қутқарув қисмлар ҳамда Тез тиббий ёрдам томонидан қутқариш ва биринчи тиббий ёрдам кўрсатиш чоралари амалда бажарилиб, кўрсатиб берилди.
Ўқув машқига мактаб раҳбарлар таркиби ва фуқаро муҳофазаси тузилмасидан 26 нафар ўқувчилар, туман Фавқулодда вазиятлар бўлимидан 6 нафар ходим ва 1 та махсус техника, Тез тиббий ёрдамдан 3 нафар ходим ва 1 та махсус техника жалб қилинди. Шунингдек, туман Санитария-эпидемиологик осойишталик ва жамоат саломатлиги бўлимидан 1 нафар ходим, ўқитувчи ва ўқувчиларидан 72 нафари иштирок этишди.
Машғулот якунида 11-сонли мактабнинг раҳбарлар таркиби ва фуқаро муҳофазаси тузилмалари гуруҳлари шахсий таркиби фавқулодда вазиятларда ҳаракат қилишга тайёр эмас, деб баҳоланди. Тадбирга ташриф буюрган масъуллар ўқув-машқ машғулотлари давомида иштирокчилар томонидан йўл қўйилган камчиликлар кўрсатилиб берилди. Келгусида бундай камчиликларга йўл қўймасликлари кераклиги, фавқулодда вазиятларга доим тайёр туриш лозимлиги, акс ҳолда кутилмаган хавфли ҳодисалар оғир оқибатларни келтириб чиқариши мумкинлиги айтиб ўтилди.
Ғ.Ўралов, туман ФВБ бошлиғи ўринбосари, подполковник.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
