ТАДБИРКОРЛАРГА ТЎСИҚ ВА ҒОВ БЎЛАЁТГАН МУАММОЛАР БАРТАРАФ ЭТИЛМОҚДА

Амударё туманидаги Тадбиркорлар мурожаатларини кўриб чиқиш қабулхонаси томонидан ўтган 2021 йилда 246 та масала бўйича 244 та мурожаатлар рўйхатга олинди. Ҳудудларда 44 та сайёр қабуллар ташкил этилди. Мурожаатларнинг 14 таси Ўзбекистон, 61 таси Қорақалпоғистон, 171 таси туман миқёсидаги масалалар бўлиб, 52 таси ўтказилган сайёр қабуллар орқали, 70 таси бевосита қабулхонага мурожаат қилиш орқали, 113 таси “Ишонч телефони” (call маркази) орқали, 9 таси business.gov.uz портали орқали электрон тарзда келиб тушган.

Рўйхатга олинган 244 мурожаатлардаги 246 та масалалардан 172 таси қаноатлантирилди, 73 тасига тушунтиришлар берилиб, 1 таси рад этилди.

Ёш тадбиркорларни қўллаб-қувватлаш ва уларни қийнаётган муаммоларни бартараф этиш мақсадида амалга оширилаётган ишлар натижасида ёш тадбиркорлардан жами 67 та мурожаатлар қабул қилиниб, уларда қайд этилган муаммоли масалаларнинг 47 таси ижобий ҳал этилди, натижада ёш тадбиркорлар томонидан 4 та иш ўринлари яратилиши таъминланди. Тадбиркорлик соҳасида хотин-қизларнинг фаоллигини ошириш ва тадбиркор аёллар муаммоларини тезкор ҳал этиш мақсадида улардан 69 та мурожаатлар қабул қилиниб, шундан 49 таси ижобий ҳал этилди. Шу орқали тадбиркор аёллар томонидан 7 та янги иш ўринлари яратилишига кўмаклашилди.

Мурожаатлар ўтган йил шу даврига нисбатан 69 тага камайган. Кредит олиш масаласидаги мурожаатлар сони 13 тага кўпайган. Банклар томонидан кўриб чиқилган жами 126 та мурожаатларнинг 93 таси ижобий ҳал этилиб, 33 тасига тушунтириш берилган.

Тумандаги Тадбиркорлар мурожаатларини кўриб чиқиш қабулхонаси ҳузуридаги тадбиркорларнинг жамоатчилик кенгаши томонидан келиб тушган мурожаатлар ҳар ойда таҳлил қилиниб, туманда тадбиркорликни ривожлантиришга тўсиқ ва ғов бўлаётган муаммоларни бартараф этиш бўйича Кичик бизнес ва тадбиркорликни ривожлантириш агентлигига тақдим қилиш учун 13 та таклифлар киритилди.

Қабулхона қошида 1100 рақамли “Ишонч телефони”, “Телеграмм” интернет тармоғида “Тадбиркорлар қабулхонаси” канали, бундан ташқари қабулхонада “business.gov.uz” ягона интерактив портали фаолият кўрсатмоқда.

М.Ўразбоев, тумандаги Тадбиркорлар мурожаатларини кўриб чиқиш қабулхонаси етакчи мутахассиси.