Ўзбекистон Республикаси Молия вазири ўринбосари Дилшод Султонов иштирокида йиғилиш бўлиб ўтди
Жорий йилнинг 8 ноябрь куни Амударё тумани ҳокимлигининг мажлислар залида Ўзбекистон Республикаси Молия вазири ўринбосари Дилшод Султонов ҳамда Қорақалпоғистон Республикаси Молия вазири Маҳмуджон Содиқовлар иштирокида йиғилиш бўлиб ўтди.
Йиғилишда туман ҳокими Султонбой Йўлдашев, тумандан сайланган Қорақалпоғистон Республикаси Жўқорғи Кенгеси депутатлари, туман Кенгаши депутатлари, секторлар раҳбарлари, ҳоким ўринбосарлари, тегишли корхона ва ташкилотлар раҳбарлари ҳамда оммавий ахборот воситалари вакиллари қатнашдилар. Йиғилишни туман ҳокими Султонбой Йўлдашев очди ҳамда олиб борди.
Мазкур йиғилиш кун тартибида 2022 йил бюджет параметрлари мўлжаллари муҳокамаси тўғрисидаги масала муҳокама этилиб, мавзу юзасидан масъулларнинг маърузалари, йиғилиш иштирокчиларининг фикр-мулоҳазалари тингланди ҳамда саволларга жавоблар берилди.
Кун тартибидаги масала юзасидан Ўзбекистон Республикаси Молия вазири ўринбосари Дилшод Султонов сўзга чиқиб, 2021 йилнинг 11 ноябрь санасида давлатимиз раҳбари иштирокида 2022 йил учун солиқ тушумлари ҳамда бюджет параметрлари юзасидан ўтказилган йиғилишда бу борада амалга оширилиши лозим бўлган устувор вазифалар белгилаб берилгани хусусида тўхталди.
Таъкидланишича, муҳтарам Президентимиз ташаббуси билан мамлакатимизда инсон қадрини улуғлаш, одамлар ҳаётини яхшилаш энг асосий тамойиллар сифатида белгиланиб, улар бюджетни шакллантиришда ҳам бош мезон бўлиши, шу боис келгуси йилга мўлжалланган давлат бюджети лойиҳасида, аввало, ижтимоий йўналишларга катта эътибор қаратилган.
Хусусан, таълим ва тиббиёт тизимига катта маблағ ажратилиши кўзда тутилган бўлиб, ушбу соҳаларда 55 та янги дастурлар амалга оширилиши белгиланган. Жумладан, чекка жойларда 1 минг 600 та болалар боғчаси ташкил этиш, Миллий таълим дастури доирасида 40 та янги мактаб қуриш ва 235 тасини таъмирлаш, дарсликларни янгилаш ҳамда компьютер синфлари очиш каби кўплаб чора-тадбирлар мўлжалланган.
Йиғилишда Қорақалпоғистон Республикаси Молия вазири Маҳмуджон Содиқов сўзга чиқиб, давлат бюджети лойиҳасида ҳудудлар инфратузилмасини яхшилаш масалаларига ҳам кенг ўрин берилганлиги, уй-жойлар ва ижтимоий объектлар қуриш, маҳаллаларни обод этиш чора-тадбирлари учун катта маблағлар ажратилиши режалаштирилганлиги хусусида тўхталди.
Қорақалпоғистон Республикаси Молия вазири Маҳмуджон Содиков режалаштирилаётган маблағларни тартибли, самарали тарзда жой-жойига етказиш лозимлиги, шу мақсадда ҳар бир дастур бўйича ажратиладиган маблағларни мақсадли кўрсаткичлар билан боғлаган ҳолда, электрон назорат тизими жорий этилиши кўзланаётгани, бюджет тизимида молиявий назорат кучайтирилаётгани, темир интизом билан давлат харидлари тизимида ошкораликни таъминлашга алоҳида эътибор қаратилаётганини таъкидлади.
Йиғилишда мавзу юзасидан депутатлар ҳамда иштирокчилар томонидан қатор саволлар йўлланди. Масъуллар саволларга тегишлича жавоблар келтирдилар.
Туман ҳокимлигининг Ахборот хизмати.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
