ЁШ МАТЕМАТИКЛАР ЮТУҒИ
Мамлакатимизда иқтидорли ўқувчиларни қўллаб-қувватлаш мақсадида Президентимиз Қарори билан Иқтидорли ўқувчилар билан ишлаш Департаменти фаолияти йўлга қўйилиб, 2021 йилда Ал-Хоразмий олимпиадаси ташкил этилиб, ўқувчи-ёшларнинг математика фанига бўлган қизиқишларини янада ривожлантириш, ўз иқтидорларини намоён этишлари учун зарур шарт-шароитлар яратиш, билим асосларини пухта эгаллаш йўлидаги интилишларини рағбатлантириш мақсадида умумтаълим мактаблари ўқувчилари ўртасида математика фанидан ўтказилган Ал-Хоразмий олимпиадаси натижаларини баҳолашда ўзига хос шаффаф тизим яратилди.
Мазкур олимпиаданинг мактаб ва туман босқичларида энг иқтидорли ўқувчилар саралаб олинди. Туманимизда ҳам Ал-Хоразмий олимпиадасининг мактаб ва туман босқичи уюшқоқлик билан ўтказилди. Хусусан, 9-сонли умумтаълим мактабининг уч нафар ўқувчиси, яъни мактабнинг 8-синф ўқувчилари Райҳона Ражабова, Гулсевар Шерматова ҳамда 7-синф ўқувчиси Асадбек Сафарбоевлар математика фани ўқитувчиси Мансур Бозорбоев раҳбарилигида олимпиаданинг мактаб ва туман босқичларида фархли биринчи ўринни қўлга киритишди.
Жорий йилнинг 27 февраль санасида, Нукус шаҳрида бўлиб ўтган Қорақалпоғистон Республикаси босқичида эса мактабнинг учала билимдон ўқувчилари яна муваффақиятли иштирок қилдилар. 8-синф ўқувчиси Гулсевар Шерматова фахрли 1-ўринни эгаллади ва мазкур олимпиаданинг Ўзбекистон Республикаси босқичига йўлланма олди. Райҳона Ражабова ва Асадбек Сафарбоевлар Қорақалпоғистон Республикаси босқичида фаол иштирок этганликлари учун Халқ таълими Вазирлиги томонидан махсус сертификатлар билан тақдирланишди.
Ал-Хоразмий олимпиадасининг Ўзбекистон Республикаси босқичи жорий йилнинг 23-24 март саналарида ўтказилди. Унда фаол иштирок этган Гулсевар Шерматова ўзбекистонлик билимдон, ёш математиклар сафидан жой олди ва олимпиада ташкилотчиларининг юксак эътиборига сазовор бўлди ҳамда сертификат билан тақдирланди.
Суратда: (сапдан) 9-сонли мактабнинг 8-синф ўқувчилари Райҳон Ражабова,
Гулсевар Шерматова ва 7-синф ўқувчиси Асадбек Сафарбоевлар.
Маҳмуджон ШОМУРОДОВ олган суратлар
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
