Манғит деҳқон бозорида “Наврўз” байрами арафасида савдо ярмаркаси фаолияти йўлга қўйилди
Мамлакатимиз аҳолисини кундалик истеъмоли учун зарур бўлган ижтимоий аҳамиятга эга асосий турдаги озиқ-овқат маҳсулотлари, шунингдек, арзон, сифатли қишлоқ хўжалик маҳсулотлари билан узлуксиз таъминлашга ва нарх-наво барқарорлигини сақлашга алоҳида эътибор қаратилмоқда. Шу мақсадда тегишли вазирликлар туманлар ҳокимликлари ҳамкорлигида аҳоли сонидан келиб чиқиб, кундалик эҳтиёжга зарур озиқ-овқат ҳамда қишлоқ хўжалик маҳсулотларининг бозорларда сотилиши назоратга олинмоқда ҳамда нархларнинг барқарорлигини сақлаш чоралари кўрилаяпти. Бунинг учун фермер хўжаликлари, деҳқон хўжаликлари ва ер эгалари томонидан етиштирилган қишлоқ хўжалик маҳсулотлари биринчи навбатда туман аҳолисига сотилиши учун деҳқон бозорларига олиб чиқилмоқда.
Манғит деҳқон бозорларида озиқ-овқат ва қишлоқ хўжалиги маҳсулотлари фермер, деҳқон ҳамда шахсий томорқа ер эгаларидан тўғридан-тўғри, қўлма-қўл ўтиб, баҳоси ўсишига йўл қўйилмасдан сотилиши устидан назорат ўрнатилмоқда. Бозорда санитария, ветеринария қоидаларига риоя этилиши, тозалик, маҳсулотларнинг сифати, истеъмолга яроқлилигини ўрганиш доимий олиб борилмоқда. Наврўз байрами арафасида Манғит деҳқон бозори олдида савдо ярмаркаси ташкил этилди
Шунингдек, Амударё туман ҳокимлиги томонидан тасдиқланган рўйхат асосида тумандаги чорвачилик фермер хўжаликлари ҳамда гўшт маҳсулотлари сотиш билан шуғулланувчи якка тартибдаги тадбиркорлар томонидан аҳолининг гўштга бўлган эҳтиёжининг маълум қисмини таъминлаш борасида йирик шохли қорамоллар сўйилиб, махсус расталарда ҳар бир килограмми 45000 сўмдан, картошка 3000-3500 сўмдан, тухум 900-1000 сўмдан сотилмоқда.
Амударё туман давлат Солиқ инспекцияси билан биргаликда бозор ҳудудида давлат рўйхатидан ўтмасдан, ноқонуний олиб сотарлик билан шуғулланаётган шахслар аниқланиб, белгиланган тартибда солиққа тортилаяпти, нархларнинг ўсишига олиб келадиган омиллар бирма-бир ўрганилиб, бартараф этиш чоралари кўрилаётир. Жумладан, Ўзбекистон товар хом-ашё биржаси савдоларидаги озиқ-овқат маҳсулотлари (ўсимлик ёғи, шакар, ун маҳсулотлари) нархлари тўғрисида маълумотлар олиниб ўрганилмоқда. Бундан мақсад тадбиркорлик субъектлари томонидан биржа савдоларида сотиб олинган озиқ-овқат маҳсулотлари ноқонуний олиб сотарлик билан шуғулланаётган шахслар қўлларига ўтиб, нарх кўтарилиб кетишининг олдини олишдир.
Савдо ярмаркасида сотувчилар ва харидорлар учун қулай шароит яратиш мақсадида бостирма қилиниб, пештахта қўйилди. Ушбу савдо ўринларида ва бозорда нархларнинг барқарорлигини таъминлаш мақсадида доимий назорат олиб борилаяпти. Бу билан юртдошларимизнинг кундалик ҳаётидаги зарур бўлган озиқ-овқат ва қишлоқ хўжалиги маҳсулотларига бўлган эҳтиёжлари қопланишинини таъминлаш кўзда тутилган.
Наврўз байрами арафасида ташкил этилган савдо ярмаркаси туманимиз меҳнаткашлари арзон, сифатли ва хавфсиз озиқ-овқат маҳсулотларини харид қилиш имконини яратди.
Зафар Сабуров, департаментнинг Амударё туман бўлим бошлиғи.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
