1-СОНЛИ МАКТАБДА БЎЛИБ ЎТГАН “СЎНГГИ ҚЎНҒИРОҚ” ТАДБИРИ БИТИРУВЧИЛАР ҚАЛБЛАРИДА ҚАТЪИЯТ ВА ИШОНЧ ТУЙҒУЛАРИНИ МУСТАҲКАМЛАДИ
“Сўнгги қўнғироқ” жаранглаган лаҳзаларни ҳар бир инсон нурли хотиралар билан ёдга олади. Нима учун? Чунки бу ажиб лаҳзалар инсонга бетакрор болалик, ёшликнинг беғубор орзулари билан тўла бахтиёр онларини эслатади. Амударё туманидаги 1-сонли умумтаълим мактабида “Илм – энг буюк шараф!” шиори остида бўлиб ўтган “Сўнгги қўнғироқ” адабий-мусиқий тадбири ҳам иштирокчилар учун бир умр хотира кўшкида асрагулик гўзал таассуротларни ҳадя этди.
Тадбирни мактаб директори Д.Шербоева очди ва 2024-2025 ўқув йилида мазкур мактабнинг 11-синфини тугатаётган битирувчиларни янги ҳаёт остонасига қўяётган илк қадамлари билан табриклаб, уларга келгуси ўқиш ва ишларида муваффақиятлар тилади ҳамда муҳтарам Президентимизнинг битирувчи ёшларга йўллаган байрам табригини ўқиб, эшиттирди.
Тадбирда иштирок этган халқ депутатлари туман Кенгаши депутати Гулшод Юсупова, Амударё тумани Мактабгача ва мактаб таълими бўлими мутахассиси Муқаддас Ермонова, туман Ички ишлар бўлими пробация гуруҳи инспектори, капитан Руслан Искандаров ҳамда битирувчиларнинг ота-оналари қалблари эзгу орзуларга тўла ёшларни мактаб таълимини муваффақиятли якунлаётганлари билан муборакбод этишиб, уларга мустақил ҳаётда ойдин йўллар тиладилар.
Тадбир давомида мактаб бадиий ҳаваскорлик тўгараги аъзолари томонидан тайёрланган мусиқий дастур намойиш этилиб, илмнинг инсон ҳаётини нурли ва гўзал томонга ўзгартиришга қодирлиги, устозлар меҳр-муҳаббати, дўстлик, тинчлик, она Ватан – дунёда энг бебаҳо неъматлар эканлиги ҳақидаги шеър-у қўшиқлар айтилди, дилбар рақслар ижро этилди.
Жўшқин куй-қўшиқларга ҳамоҳанг жаранглаган “Сўнгги қўнғироқ” қалбларга ҳаяжон, шу билан бирга ишонч ва қатъият туйғуларини солди. Тадбир барчага гўзал ва ёрқин таассуротлар бахш этди.
Робия Йўлдошева.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
