ЮРТИМИЗ ТИНЧ, ХАЛҚИМИЗ ФАРОВОН, АЛПОМИШ ЎҒЛОНЛАРИМИЗ ОМОН БЎЛСИН!
Ўзбекистон Республикаси Президенти Қуролли Кучлари Олий бош қўмондони Шавкат Миромонович Мирзиёевнинг 2024 йил 12 декабрь кунидаги “Ўзбекистон Республикаси Республикаси Қуролли Кучлари ташкил этилганининг 33 йиллиги ҳамда Ватан ҳимоячилари кунини нишонлашга тайёргарлик кўриш ва ўтказиш чора-тадбирлари тўғрисида”ги Фармойишига асосан бутун мамлакатимиз бўйлаб «Янги Ўзбекистон Армияси – мамлакат таянчи, халқимиз фахри!» шиори остида кенг қамровли маънавий-маърифий тарғибот тадбирлари амалга оширилиб, захирадаги зобитлар, иккинчи жаҳон уруши иштирокчилари ва уруш даври фронт ортида ўзларининг фидойи меҳнатлари билан мудофаани мустаҳкамлашга муносиб ҳисса қўшган меҳнат фронти фахрийлари билан ёшларнинг учрашув ва давра суҳбатлари ўтказилмоқда. Мазкур тадбирлар орқали фуқароларимиз Миллий Армиямизнинг ҳақиқатдан ҳам мамлакатимиз таянчи, халқимиз фахри эканлигини чин дилдан ҳис этишмоқда.
Ўтган 2024 йил давомида Нукус шаҳар Мудофаа ишлари бўлими томонидан ҳам бир қатор ижобий ва салмоқли ишлар амалга оширилди. Хусусан, «Умумий ҳарбий мажбурият ва ҳарбий хизмат тўғрисида»ги Ўзбекистон Республикаси Қонунининг 18- моддасига асосан 2700 нафар ёшларимиз ҳарбий рўйхатга олиндилар. Ҳарбий рўйхатга олинган ёшлар билан ўтказилган яккама-якка суҳбатлар, ошкора мулоқот тарзидаги учрашувлардан аёнки, бугунги ёшлар қалбида она Ватан тинчлиги ва фаровонлигига дахлдорлик ҳисси ҳар қачонгидан ҳам юқори. Айниқса, ҳарбий касбни эгаллаш иштиёқида яшаётган ёшларнинг сафи йил сайин ошиб бораётгани қувонарли. Буни биз чақирилувчиларни ҳарбий хизматга саралаш ва тайёрлаш жараёнида кўриб, яққол ҳис этдик.
2025 йил учун қўшинларни бутлаш, муддатли ҳарбий хизматга ва сафарбарлик чақируви резерви хизматига тайинлаш ва юбориш учун Нукус шаҳрида белгиланган режа муддатидан олдин, 100 фоизга бажарилганининг ўзи ёшларимизнинг ҳарбий ҳаётга қизиқишлари ортиб бораётганидан далолатдир. Шунингдек, шаҳардаги барча умумтаълим ўрта мактабларида таълим-тарбия олаётган 11-синф ўғил болаларидан иборат 2083 нафар ёшлар ва 52 нафар ЧҚБТ фани ўқитувчилари иштирокида Нукус дала-ўқув майдонидаги режавий амалий ўқ отиш машғулотлари ҳам юқори савияда ўтказилди. Бундан ташқари, 2024 йилда Нукус шаҳар ёшларидан 35 нафари Ўзбекистон Республикасидаги Олий ҳарбий таълим муассасаларига, 4 нафар ёш эса «Темурбеклар мактабига» ўқишга қабул қилиндилар. Ҳозирги кунда Ўзбекистон Республикаси Қуролли Кучлари сафида 116 нафар нукусликларнинг мард ва жасур ўғлонлари Ватан олдидаги муқаддас бурчларини шараф билан бажариб, муддатли ҳарбий хизматни ўтамоқдалар.
Фурсатдан фойдаланиб, мен Нукус шаҳри аҳолисини, иккинчи жаҳон уруши жанггоҳларида қаҳрамонлик намуналарини кўрсатган отахонлар ва фронт ортида ўзларининг фидойи меҳнатлари билан буюк ғалабага муносиб ҳисса қўшган юртдошларимизни, шу баробарида айни пайтда фарзандлари Қуролли Кучларимиз сафида сергак туриб, она Ватан сарҳадларини ҳимоя қилаётган азиз ота-оналарни ва уларнинг аскар ўғлонларини, захирадаги ҳарбий зобитларни ҳамда бутун халқимизни бугунги қутлуғ айём – Ватан ҳимоячилари куни билан самимий муборакбод этаман. Осмонимиз мусаффо, халқимиз фаровон, тонгларимиз тинч ва осуда, Она Юртга садоқатли Алпомиш ўғлонларимиз ҳамиша омон бўлсин!
Алишер Қайипназаров, Нукус шаҳар Мудофаа ишлари бўлими Қуролли Кучлари бўлими хизматчиси.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
