“Maftunkor ranglar jilosi” nomli tadbirda yoş rassomlar isteʼdodini namoyon etişdi
Har bir bola ulğayar ekan, öziga xos iqtidorini namoyon etişga va bundan zavqlanişga harakat qiladi. Kimdir qalbidagi hislarni sözlar bilan ifodalasa, kimdir tuyğularini musiqa ohanglariga köçiradi. Yana kimdir olamini, öy-xayollarini ranglarda, çizgilarda tasvirlaydi. Bu ifoda uslublari bir-biriga öxşamaydi. Lekin ijod namunasi öşa insonning özligini, yuragidagi ötli keçinmalarni tafakkurimizga muhrlaydi, qalbimizga köçiradi.
Yaqinda Nukus şahridagi “Döstlik uyi” oldida Özbekiston nodavlat notijorat taşkilotlari milliy assotsiatsiyasiga aʼzo Özbekiston nogironlar jamiyatining Nukus şahar bölimi tomonidan “Maftunkor ranglar jilosi” nomli tadbir taşkil etildi. Tabiat qöynida ötkazilgan mazkur tadbirda Nukus şahridagi 7-17 yoş oraliğidagi jismoniy imkoniyati çeklangan bolalar va ösmirlar iştirok etib, özlarining nozik isteʼdodlarini ranglar jilosi bilan namoyon etişdi.
Tadbirda Özbekiston nogironlar jamiyati Qoraqalpoğiston Respublikasi bölimi boşliği Parşagul Dauletyarova, nodavlat notijorat taşkiloti rahbarlari va boşqalar iştirok etişdi.
Taʼkidlanganidek, nogironligi bölgan bolalarni har tomonlama va uyğun kamol toptiriş, ijtimoiy faoliyatini, mehnat qilişga bölgan qiziqişini, sanʼat va sport bilan şuğillanişini qöllab-quvvatlaş davlat siyosatidagi ustuvor vazifalardan biri hisoblanadi.
Darhaqiqat, sanʼat qalbimizni ezgulikka çorlaydi. Ranglar jilosi har bir insonni öziga ohanrabodek tortadi. Albatta, yoş möyqalam ijodkorlarining oppoq qoğozlar yuziga köçirilgan öziga xos çizgilari va köngil dunyosining nozik tasvirlariga mahliyo bölasiz.
Bolalardan biri tabiat manzalarini tasvirlasa, yana boşqa bola ona-Vatanga bölgan çeksiz muhabbatini, baxtli bolalalik onlarini ranglar orqali izhor etdi. Yoş rassomlarning çizgilarini masʼullar maroq bilan kuzatib, ularga suratlarining yanada jozibador bölişi uçun maslahatlarini ulaşişdi.
“Jismoniy imkoniyati çeklangan”. Nazarimizda, bu ibora nisbiy tuşunçani anglatadi. Aslida, inson şunday qudratli kuçga egaki, oldiga biror maqsad qöyib şu yölda tinimsiz mehnat qilar ekan, u amalga oşira olmaydigan iş mavjud emas. Sanʼat asarlari esa bu yölda irodamizni mustahkamlab, qalbimizga ziyo olib kiradi. Şu maʼnoda “Maftunkor ranglar jilosi” kabi sanʼat va madaniy-maʼrifiy tadbirlar yoşlarning istedodlarini yuzaga çiqarişda muhim vosita bölib xizmat qiladi.
Nozik qöllarida qalam tutgan yoş rassomlarning murğak közlarini kuzatar ekanmiz, yonib turgan qoraçiqlarida buğubor qalbining ifodasini köramiz. Oq qoğozga köçirilgan qalb tuyğulari hayot gözalliklariga yanada çiroy baxş etgandek göyo.
Tadbir yakunida taşkilotçilar tomonidan topşirilgan esdalik sovğalari bolalarga çeksiz quvonç ulaşdi. Madaniyat bölimi xodimlari tomonidan taqdim etilgan kontsert dasturi barçaning kayfiyatini kötarib, köngillarni xuşnud etdi.
Şohzod Qurbonboyev

▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶