ONA TILIM – JON-U DILIM
Ona tili - bu mening, sening, bizning, xammamizning jon tomirimizda yuragimizni jumbushga keltiradigan hislarimizning oxang-u nidosidir.
Biz mana shu oxangdan, tovushlardan hosil boʻlgan soʻzlar orqali oʻzligimizni taniymiz. Shu tildagina bir-birimizning qalbimizni chuqur tushunamiz, his qilamiz. Erkin fikr yuritib, shu hislarimizni yuraklarga toʻliq yetkaza olamiz.
Ona tilim – jon-u dilimsan. Betakrorim, jilvakorimsan! Necha-necha asrlar osha quvgʻinga, hattoki oʻlimga maxkum etilding. Ammo oʻzbek degan millat bor ekan, sen tillarda yashading, yayrading. Navoiy qalamida yosh bolalardek quvnading, farishta qizlarday jilvalanding, oʻynoqi gʻazallarda oʻzingning goʻzalliging, fusunkorligingni yana bir bor oshkor etding.
Ona tilim – jon-u dilim. Sen Yassaviyning qalamida Yaratgan bilan sirlashding, Choʻlpon, Fitrat, Avloniy yuragidan otilgan bir shiddat boʻlding, Amir Temur, Manguberdilar yuragida oʻchmas olov boʻlding, mardlikka undovchi xayqiriq boʻlding.
Ona tilim – jon-u dilim. Asrlar ortida qoldi bari. Seni oʻrus ogʻalar oʻtgan asrda qoloqsan zamonaviy emassan, deb mensimay qoʻymoqchi, boʻlishdi. Hamma-hammasiga chidading, kurashding. Baʼzilar lahjalarini senga tiqishtirmoqchi boʻlishdi. Shunda ham sofliging uchun kurashib charchamading.
Ona tilim – jon-u tilim. Kurashlarda toliqmasdan olmos kabi toblangan mening tilim. Sen Muxammad Yusuf qalamiga joziba berib, oʻzbekman deganing qalbidan joy olding. Dunyo shoirlarini xam lol qoldirding. Sen Oʻzbekiston Qahramoni Munojot Yoʻlchiyeva qalbidan nola boʻlib otilib, dunyo sahnasida insoniyatni hayratga solding!
Ona tilim - mening faxrim. Sening sofgina, begʻuborgina dunyoyingni asrash, avaylash mening farzandlik burchimdir. Men, sen, biz bor ekanmiz sen gullab-yashnayverasan faxrligim!
Sevinch Oʻrazmatova, 41-maktab 11-sinf oʻquvchisi.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
