TUMANDA BOTULIZMNING OLDINI OLISh BOʻYIChA TADBIRLAR OʻTKAZILDI
Botulizm – oziq-ovqatdan zaharlanish natijasida kelib chiqadigan xavfli kasallik hisoblanadi. Ushbu kasallikka chalinish holatlari kuz-qish va bahor oylarida juda koʻp uchraydi. Shu sababli aholi oʻrtasida botulizm kasalligiga chalinishning oldini olish maqsadida Amudaryo tumani SEO va JSB hamda Veterinariya boʻlimi laboratoriyasi xodimlari bilan hamkorlikda Dehqon bozorida reyd tadbirlari oʻtkazildi.
Reyd tadbirlari davomida Oʻzbekiston Respublikasining 1997-yil 30-avgustdagi “Oziq-ovqat maxsulotlarining sifati va xavfsizligi toʻgʻrisida”gi Qonuni, Oʻzbekiston Respublikasining 2015-yilgi “Aholining Sanitariya epidemiologik osoyishtaligi toʻgʻrisida”gi Qonuni ijrosi hamda Oʻzbekiston Respublikasi Sogʻliqni Saqlash Vazirligining 2012-yil 10-iyuldagi tegishli buyrugʻi, Dehqon bozorlariga oid sanitariya qoida meʼyorlari va gigiyenik normativlar talablari ijrosini taʼminlandi. Shuningdek, aholi oʻrtasida turli xil koʻrinishdagi ovqatdan zaharlanish, oʻtkir yuqumli oshqozon-ichak kasalliklari, xususan botulizm kabi xavfli ovqatdan zaharlanish kasalliklarining oldini olish, aholining sanitariya-epidemiologik osoyishtaligini taʼminlash maqsadida sanitariya-profilaktik tadbirlar ham oʻtkazildi. Sanitariya-targʻibot ishlari davomida yuqumli kasalliklar oldini olishga qaratilgan bukletlar tarqatildi.
Tadbir davomida sifati kafolatlanmagan uy sharoitida tayyorlangan oziq-ovqat mahsulotlari savdodan chetlatildi.
B.Kalmurodov, tuman SEO va JSB sanitariya shifokori yordamchisi.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
