TIBBIYoT BIRLAShMASI ShIFOKORLARI UChUN KOʻRGAZMALI SEMINAR OʻTKAZILDI
Amudaryo tumani Tibbiyot birlashmasi shifokorlari ishtirokida aholi oʻrtasida toʻgʻri ovqatlanishni yoʻlga qoʻyish boʻyicha koʻrgazmali seminar tashkil etildi.
Shu yil 19-sentyabr kuni tibbiyot muassasasi faollar zalida boʻlib oʻtgan ushbu tadbirda Birlashma boshligʻi F.Abdullayev hamda boshliq oʻrinbosarlari, koʻp tarmoqli markaziy poliklinika, oilaviy poliklinikalar, oilaviy shifokorlik punktlari mudirlari, tor soha mutaxassislari, tibbiy brigada aʼzolari va masʼul tibbiy xodimlar qatnashishdi.
Sogʻliqni saqlash vazirligining tegishli buyrugʻi ijrosini taʼminlash maqsadida tashkil etilgan mazkur seminarda Tibbiyot birlashmasining aholi salomatligini qoʻllab-quvvatlash va jismoniy faolligini oshirish boʻlimi mudiri Jumaboy Yavkashev koʻrgazmali tarzda, interaktiv usullardan foydalangan holda mashgʻulot oʻtkazdi. “Toʻgʻri ovqatlanish sogʻlom hayot asosi” mavzusida boʻlib oʻtgan mashgʻulotlar davomida soha mutaxassislariga hafta kunlari davomida tashkil qilinadigan sogʻlomlashtirish tadbirlari, toʻgʻri ovqatlanish tartibi tushuntirilib, hududlarda aholi oʻrtasida bu boradagi tushuntirish-targʻibot ishlarini muntazam ravishda oʻtkazib borish kerakligi taʼkidlandi.
Qiziqarli oʻtgan seminar davomida ishtirokchilarni qiziqtirgan savollarga batafsil javoblar berildi.
T.Saidova, TTB shifokori
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
