Yangi Oʻzbekiston yoshlari birlashaylik!” shiori ostida “Yoshlar oyligi” oʻtkazilmoqda

Yoshlar siyosati va sport vazirligi, Yoshlar ishlari agentligi, Respublika Maʼnaviyat va maʼrifat markazi va boshqa bir qator tashkilotlar hamkorligida mamlakatimiz boʻylab 30-iyun − “Yoshlar kuni” munosabati bilan “Yangi Oʻzbekiston yoshlari birlashaylik!” shiori ostida “Yoshlar oyligi” oʻtkazilmoqda.

Amudaryo tumanida ham bu boradagi ishlar yuqori saviyada tashkil etildi.

6-iyun kuni Doʻstlik mahallasi hududidagi sport maktabida “Salomatlik uchun 5000 qadam” aktsiyasi oʻtkazildi.

Aktsiyada tumandagi barcha mahallalardan faol yoshlar kelib ishtirok etishdi. Yurish mashqidan soʻng, ertalabki badantarbiya mashqlari bajarildi.

Shundan soʻng, oylik doirasida tashkil etiladigan keng koʻlamli maʼnaviy-maʼrifiy loyihalarni amalga oshirish uchun taniqli olimlar, ziyolilar, shoir va yozuvchilar, sanʼatkorlar – “Maʼrifat" targʻibotchilari jamiyati aʼzolari ishtirokida “Maʼrifat soati” boshlandi.

Tuman Madaniyat boʻlimi binosida oldida Marifat targʻibotchilari jamiyati aʼzolari − jurnalist Oygul Kajanova, Oʻzbekistonda xizmat koʻrsatgan madaniyat xodimi, shoira Zulfiya Muminova, Oʻzbekiston xaliq artisti Odina Narzullayeva, Qoraqalpogʻiston xalq artisti Sapargul Davletova, Qoraqalpogʻistonda xizmat koʻrsatgan artist Jumagul Sagʻindikova, Teatr vokal artisti Sarbinaz Seytova, Qoraqalpogʻiston filarmoniyasi xonandasi Nursuliu Toʻreniyazovalar karnay-surnay sadolari ostida tantanali kutib olindi.

Tadbirda soʻzga chiqqanlar “Yoshlar oyligi” doirasida oʻtkazilayotgan tadbirlar yoshlar maʼnaviyatini har tomonlama yuksaltirishga, milliy qadriyat va anʼanalarimizni yanada ulugʻlashga, yoshlar oʻrtasida sogʻlom turmush tarzini mustahkam qaror toptirishga xizmat qilishini taʼkidlab oʻtishdi.

Tadbir davomida milliy kuy-qoʻshiqlarimiz ijro etilib, sahna koʻrinishlari namoyish etildi.

Shundan soʻng, havaskor yoshlar ishtirokida sportning shaxmat turi boʻyicha musobaqa tashkil etildi. Gʻoliblar “Maʼrifat targʻibotchilari jamiyati aʼzolarining esdalik sovgʻalari bilan taqdirlanishdi.

“Maʼrifat soati” tumanimizning Olmazor mahallasi hududida joylashgan “Barkamol avlod” bolalar maktabida davom etdi. Maktab oʻquvchilari tomonidan namoyish etilgan kontsert dasturi barchaga manzur boʻldi.

Undan tashqari, “Maʼnaviyat targʻibotchilari” jamiyati aʼzolarining ijtimoiy himoyaga muhtoj bolalar holidan xabar olgani ularga bir olam quvonch bagʻishladi.

Shu oʻrinda aytish lozimki, oylik doirasida oʻtkazilayotgan tadbirlar yoshlarni birlashtirishga, milliy qadriyatlarimizni teran anglashlariga, adabiyot va sanaʼtni qadrlashga madaniy hordiq chiqarishlariga undayotgani bilan ahamiyatlidir.

Tuman hokimligining Axborot xizmati