“Obod va xavfsiz mahalla” tamoyili asosida Amudaryo tumanidagi mahallalar “beshlik” aʼzolari uchun oʻquv seminari tashkil etildi

Oʻzbekiston Respublikasi Ichki ishlar vazirligi, Kambagʻallikni qisqartirish va bandlik vazirligi hamda Yoshlar siyosati va sport vazirliklarining shu yil 30-mart kunidagi qoʻshma qarori bilan “Obod va xavfsiz mahalla” tamoyili asosida respublika mahallalarida xavfsiz muhitni yaratish mexanizmlari belgilab berildi.

Ushbu qaror ijrosini taʼminlash maqsadida 29-may kuni Amudaryo tumani hokimligining katta majlislar zalida tumandagi 49 ta ovul va mahalla fuqarolar yigʻinlarining raisilari, hokim yordamchilari, xotin-qizlar faollari, profilaktika inspektorlari va yoshlar yetakchilari uchun navbatdagi oʻquv seminari tashkil etildi.

Oʻquv seminarda tuman hokimining birinchi oʻrinbosari Rashid Salayev, Ichki ishlar vazirligi Maʼnaviy-maʼrifiy ishlar va kadrlar bilan taʼminlash departamenti boʻlimi boshligʻi Anvar Raupov, Ichki ishlar vazirligi Akademiyasi katta oʻqituvchisi Nabibullo Xojiyev, Kambagʻallikni qisqartirish va bandlik vazirligi bosh mutaxassisi Sherzod Maqsudov, Qoraqalpogʻiston Respublikasi Ichki ishlar vazirligi jamoat xavfsizlik xizmati huquqbuzarliklar profilaktikasi boshqarmasi boshligʻi Rustem Eshimbetovlar ishtirok etishdi.

Yigʻilishda soʻzga chiqqan Nabibullo Xojiyev “Obod va xavfsiz mahalla” tamoyili asosida ishlashni tashkil qilish va amalga oshirish maqsadida, mahalla raisi, profilaktika inspektori, xokim yordamchisi, xotin-xizlar faoli, yoshlar yetakchisi tomonidan uzviy hamkorlik zarurligini, unda huquqbuzarlik sodir etish ehtimoli yuqori boʻlgan shaxslar bilan profilaktik ishlarni olib borishi kerakligini taʼkidlab oʻtdi.

Sherzod Maqsudov esa qabul qilingan qoʻshma qarorda mahalla raislari va faollari tomonidan shaxslarni ijtimoiy moslashtirish chora-tadbirlarni amalga oshirishda nizoli oilalar aʼzolariga profilaktik taʼsir koʻrsatish va ularni ijtimoiy moslashtirish maqsadida mazkur turdagi oilalar roʻyxatini shakllantirish va alohida yigʻma jild yuritish tartib tamoyillari xususida batafsil maʼlumot berdi.

Yigʻilishda Rustem Eshimbetov mazkur qoʻshma qaror asosida barcha mahallalarda huquqbuzarlik sodir etishga moyil boʻlgan shaxslar bilan yakka tartibda ijtimoiy profilaktika ishlarni amalga oshirish tartibi belgilab berilganligini, “ijtimoiy profilaktika” deganda huquqbuzarlik sodir etishga moyil hamda huquqbuzarlikdan jabrlanish ehtimoli yuqori boʻlgan shaxslarga huquqiy, ijtimoiy, psixologik, tibbiy, pedogogik va boshqa yordam koʻrsatish tushinilishini aytib oʻtdi. Shuningdek, ijtimoiy profilaktikani mahallalarda mahalla beshligi amalga oshirishini, bunda esa har bir mahalla xodimi oʻz kasbiga vijdonan yondoshmogʻi lozim ekanligini taʼkidladi.

Yigʻilish yakunida Amudaryo tumani kambagʻallikni qisqartirish va bandlik boʻlimi boshligʻi Gʻulomjon Duysenbayev oilaviy kelishmovchiliklarning asosiy sababi ishsizlikdan kelib chiqishini, voyaga yetmagan yoshlarning boʻsh vaqti mazmunli tashkil etilmasa osongina buzgʻunchi gʻoyalarga ergashib ketishlari mumkinligini taʼkidladi.

Oʻquv seminarida huquqbuzarlik sodir etishga moyil yoki huquqbuzarlikdan jabrlanish ehtimoli yuqori boʻlgan shaxslarga huquqiy, ijtimoiy, psixologik, tibbiy, pedagogik va boshqa turdagi yordamlar koʻrsatish tartiblari ham taqdimotlar yordamida batafsil tushuntirib oʻtildi.

Boʻlib oʻtgan oʻquv seminari fuqarolar yigʻinlari maʼmuriyati uchun muhim ahmiyatga ega boʻldi.

Tuman hokimligining Axborot xizmati.