QILIÇBOYDA TARĞIBOT TADBIRI BÖLIB ÖTDI

Azal-azaldan bir oila farzandlariday Özbekiston zaminida ahil va hamjihatlikda, qon-qarindoşlik, döst-birodarlik riştalari bilan mustahkam boğlanib umrguzaronlik qilib kelayotgan turli millat vakillaridan taşkil topgan xalqimiz uçun ğoyat masʼuliyatli va şarafli jarayon – Asosiy Qonunimizga kiritilayotgan özgarişlarni maʼqullaş uçun ötkazilayotgan umumxalq referendumiga sanoqligina kunlar qoldi.

Mamlakatimizning barça hududlarida bölgani kabi tumanimizda  ham uşbu muhim siyosiy jarayonga puxta hozirlik körildi. Referendum ötkazuvçi uçastkalar zarur jihozlar, axborot texnologiya vositalari bilan jihozlanib, fuqarolarning emin-erkin ovoz berişlari uçun şaroitlar yaratildi. Referendum oldi tarğibot-taşviqot tadbirlarida aholiga Konstitutsiyamizga kiritilayotgan özgarişlar, ularning zarurligi va ahamiyati keng tuşuntirildi.

Şunisi eʼtiborliki, Asosiy Qonunimizga kiritilayotgan özgarişlarning barçasida xalqimizning xohiş-irodasi öz aksini topgan. Yaʼni mamlkatimiz aholisining 220 mingdan  ortiq fikr, takliflari qabul qilingan va tahlil qilinib, kiritilayotgan özgarişlarda öz ifodasini topgan.

Şu yilning 27-aprelida tumanimizning Qiliçboy ovulida ham Asosiy Qonunimizga kiritilayotgan özgarişlar, umumxalq referendumida faollik  bilan qatnaşib, özgarişlarni qöllab-quvvatlaş tarğib etilgan tadbir bölib ötdi.

Tadbirni ovul fuqarolar yiğini raisi Bahrom Qodirov oçdi va iştirokçilarni befarq bölmay, 30-aprel kuni bölib ötadigan umumxalq referendumida faol qatnaşib, kiritilayotgan özgarişlarni qöllab-quvvatlaşga çaqirdi. Ovuldagi Madaniyat markazi oldiga yiğilgan turli yoşdagi aholi uning çaqiriğini qarsaklar bilan olqişladi.

Oliy Majlis Qonunçilik palatasi deputati, Qiliçboy elining nomdor farzandi, ana şunday masʼuliyatli siyosiy jarayon arafasida ovuldoşlari bilan hamnafas  bölib turgan Zumrad Bekatova ham sözga çiqib, Konstitutsiyaga kiritilayotgan özgarişlar xususida batafsil gapirdi va barçani bu özgarişlarga befarq bölmaslikka, qöllab-quvvatlaşga  daʼvat etdi. Taʼkidlanganidek, avvallari fuqaroni  işga qabul qilişda, tegişli lavozimlarga tayinlaşda yaqin qarindoşlarining sudlanganlik holatiga, yoxud ijtiimoiy kelib çiqişiga qaralar edi. Afsuski bunday yondaşuvdan aziyat çekkan, mahorati, iqtidori toptalganlar köp böldi. Uşbu adolatsiz tamoyilga çek qöyiş maqsadida yangi Konstitutsiyada şaxsning sudlanganligi va bundan kelib çiqadigan huquqiy oqibatlar uning qarindoşlari huquqlarini çeklaş uçun asos bölişi mumkin emasligi qonun bilan mustahkamlanmoqda. Şuningdek 53-moddaning birinçi qismida “Har kimga ilmiy, texnikaviy va badiiy ijod ekinligi, madaniyat yutuqlaridan foydalaniş huquqi kafolatlanadi. Intellektual mulk qonun bilan muhofaza qilinadi”, deyilgan. Bu norma badiiy ijod erkinligining himoya qiliş hamda adiblarni rassomlarni, aktyor va rejissyorlarni, ommaviy axborot vositalari vakillarini, isteʼdodli yoş ijodkorlarni qöllab-quvvatlaşga qaratilgani bilan ahamiyatlidir.

Maʼruzaçi sözi  oxirida ovuldoşlarini har bir özgariş inson baxt-saodati, yurt tinçligiga xizmat qilişini taʼkidlab, barçani referendumda faol iştirok etib, özgarişlarni qöllab-quvvatlaşga daʼvat etdi.

Tadbirda 2-sektor rahbari, tuman prokurori Aziz Rözmetov ham sözga çiqib, aholini referendumda qatnaşişga çaqirdi.

Tarğibot tadbiri Qiliçboy Madaniyat markazida faoliyat yuritayotgan tögaraklar aʼzolari iştirokida tayyorlangan kontsert dasturi bilan davom etdi.

Oygul RAJABOVA.