Profilaktika insektorining bir ish kuni: Fidoiylik shiordir unga

Prezidentimiz Shavkat Mirziyoyevning 2020-yil 18-fevraldagi “Jamiyatda ijtimoiy-maʼnaviy muhitni sogʻlomlashtirish, mahalla institutini yanada qoʻllab-quvvatlash hamda oila va xotin-qizlar bilan ishlash tizimini yangi darajaga olib chiqish chora-tadbirlari toʻgʻrisida”gi farmoni qabul qilingan edi.

Farmonga muvofiq, fuqarolar yigʻini raisining huquq-tartibot masalalari boʻyicha oʻrinbosari vazifasini bajarish profilaktika inspektori zimmasiga yuklatildi.

Amudaryo tumanining Navoiy mahalla fuqarolar yigʻinida faoliyat olib boruvchi profilaktika katta inspektori kapitan Alisher Xudaybergenov ham oʻzini oʻzi boshqarish organlari bilan hamkorlikda eng avvalo maxallada yashovchi, oʻzining gʻayriijtimoiy xulq-atvori xavfliligi tufayli huquqbuzarlik sodir etish ehtimoli holatida boʻlgan jismoniy shaxslarning turmush tarzini, mavjud muammolarni oʻrganib kelmoqda.

Alisher Xudaybergenov umumiy oʻrta taʼlimni Qangli ovul fuqarolar yigʻinida joylashgan 29-sonli maktabda tugatdi. 2013-2014-yillarda Surxondaryo viloyati Temiz shahrida bir yillik muddatli harbiy xizmatni oʻtab 2014-yilda Oʻzbekiston Respublikasi Ichki ishlar vazirligi Akademiyasiga oʻqishga kirdi. U Akademiyada fuqarolarning huquqlari, erkinliklari va qonuniy manfaatlarini himoya qilish, jamoat tartibini saqlash, shaxs, jamiyat va davlat xavfsizligini taʼminlash borasida chuqur bilimlarni oʻzlashtirganligi uchun 2018-yilda “Huquqbuzarliklar profilaktikasi faoliyati” mutaxassisligi boʻyicha yurist kvalifikatsiyasi berildi.

Mahallaning profilaktika inspektori huquqbuzarlik sodir etish ehtimoli yuqori boʻlgan aholi muammolarini huquqbuzarliklar profilaktikasini amalga oshiruvchi va unda ishtirok etuvchi tegishli idoralar bilan xamkorlikda bartaraf etish, xamda huquqiy, ijtimoiy, psixologik, va boshqa turdagi yordam koʻrsatishga, shuningdek ularga jamiyatda qabul qilingan xulq-atvor normalari va qoidalarini singdirishga qaratilgan chora-tadbirlarni amalga oshirib kelmoqda.

Bunda ayniqsa, mahalla raisi, hokim yordamchisi, xotin-qizlar faoli, yoshlar yetkachisi bilan birgalikda tashkil etilayotgan targʻibot tadbirlariga mahalladagi 733 ta xonadonda istiqomat qiluvchi 4429 nafar aholining barchasi qamrab olinmoqda.

Alisher Xudaybergenov ishtirokida oʻtkazilib kelinayotgan “Xavfsiz tun”, “Qora dori”, “Turmush”, “Xavfsiz hudud” tadbirlari aholi osoyishtaligini taʼminlashda muhim omil boʻlmoqda.

Koʻrilgan chora-tadbirlar tufayli yuqorida aytganimizdek, mahalla hududida osoyishtalik, uyushmagan yoshlar va oʻsmir yoshlarning boʻsh vaqtlarini mazmunli oʻtkazishga qaratilgan turli koʻngilochar tadbirlar aholi maʼnaviyatini yuksaltirish, oʻsib kelayotgan yosh avlodni sportga, sanʼat va kasb-hunar oʻrganishga, tadbirkorlik bilan shugʻullanishga jalb etish imkonini bermoqda.

Biz esa mahalla osoyishtaligini taʼminlash, huqubuzarliklarning oldini olish, jamoat tartibini saqlash borasida samarali mehnat qilib kelayotgan Alisher Xudaybergenovning ish faoliyatiga zafarlar tilaymiz.

Tuman hokimligining Axborot xizmati.