YOʻL-TRANSPORT HODISALARINING OLDINI OLISh MAQSADIDA YPX INSPEKTORLARI TOMONIDAN REYD TADBIRLARI OʻTKAZILMOQDA
Amudaryo tumani hududidagi transport yoʻllarida jamoat xavfsizligini taʼminlash va yoʻl-transport hodisalari sodir etilishining oldini olishga qaratilgan targʻibot ishlari va profilaktika tadbirlarini yanada kuchaytirish maqsadida reyd tadbirlari oʻtkazilmoqda.
Navbatdagi reyd davomida yoʻl-patrul xizmati inspektorlari yoʻllarda harakatlanayotgan transport vositalari tomonidan amaldagi “Yoʻl harakati qoidalari”ga qay tarzda rioya qilinayotgani tekshirildi.
Reyd davomida qator qoidabuzarlik holatlari aniqlanib, shu boʻyicha 270 ta maʼmuriy bayonnomalar rasmiylashtirildi. Inspektorlar tomonidan tegishli hujjatlarsiz transport vositasini boshqargan, odam tashish qoidalarini buzgan hamda boshqa turdagi qoidabuzarliklarga yoʻl qoʻygan haydovchilarga nisbatan tegishli choralar koʻrildi. Shuningdek, 96 ta avtomashinalar jarima maydonchasiga qoʻyilib, qarzdorlik boʻyicha jami 37 mln. soʻm undirildi.
Taʼkidlash joizki, joriy yil boshidan shu paytga qadar Amudaryo tumani hududidagi transport yoʻllarida 3 ta yoʻl-transport hodisasi sodir boʻlgan. Bunday holatlarning oldini olish maqsadida tuman Ichki ishlar boʻlimining yoʻl-patrul xizmati boʻlinmasi tomonidan 2022–2026-yillar davomida respublika hududida amalga oshirilishi moʻljallangan “Xavfsiz va ravon yoʻl” umummilliy dasturi asosida aniq chora-tadbirlar ishlab chiqilgan boʻlib, ijrosi taʼminlanmoqda.
Rejaga muvofiq, tuman hududida “Diqqat, yoʻlovchi!”, “Diqqat, bolalar!”, “Diqqat, piyoda!” profilaktik va maxsus reyd tadbirlari muntazam ravishda oʻtkazilib kelinmoqda. Reydlar davomida aholi oʻrtasida ham yoʻl harakati xavfsizligini taʼminlash, piyodalar ishtirokidagi yoʻl-transport hodisalarining oldini olish maqsadida yoʻl harakati qoidalariga rioya etish boʻyicha targʻibot ishlarini olib borishga alohida eʼtibor qaratilmoqda.
Serqatnov yoʻl boʻyida joylashgan taʼlim muassasalari, ayniqsa, piyodalar koʻp harakatlanadigan tuman markazidagi bozor va savdo majmualari yaqinida piyodalar oʻtish joylariga yoʻl harakati xavfsizligi xizmati va patrul-post xizmati, profilaktika inspektorlari biriktirilib, xavfli hodisalarning oldi olinmoqda. Biriktirilgan xodimlar harakat xavfsizligini taʼminlash bilan bir qatorda aholiga piyodalarning yoʻllarda harakatlanish madaniyatini ham tushuntirib borishmoqda. Shuningdek, tuman markazidagi bozor va yirik savdo majmualari atroflari, taʼlim muassasalariga tarnsport haydovchilari va piyodalarga yoʻl harakati qoidalarini eslatuvchi bannerlar oʻrnatilishi taʼminlanib, tushuntirish-targʻibot ishlari oʻtkazilishiga ham alohida eʼtibor qaratilmoqda.
Reyd tadbiri davomida yoʻlovchi va yengil yuk turdagi tashuvchi transport vositalari haydovchilari bilan avtoturargohlardagi va yoʻllardagi harakat vaqtida piyodalarga nisbatan hushyorlikni oshirish yuzasidan profilaktik suhbatlar oʻtkazildi. Ushbu tadbirlar davomida haydovchi va piyoda yoʻlovchilarga yoʻl harakati qoidalarini, piyodalar bilan bogʻliq yoʻl-transport hodisalarining ayanchli oqibatlarini oʻzida aks ettirgan buklet va eslatmalar ham tarqatildi.
O.Xudoyberganova.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
