KONSTITUTsIYaVIY QONUN LOYIHASI TARGʻIBOTIGA BAGʻIShLANGAN YIGʻILISh OʻTKAZILDI
Yurtimizda "Oʻzbekiston Respublikasi Konstitutsiyasiga oʻzgartish va qoʻshimchalar kiritish toʻgʻrisida"gi Oʻzbekiston Respublikasi Konstitutsiyaviy qonun loyihasining targʻibot tadbirlari oʻtkazilmoqda.
Tuman Davlat Soliq inspektsiyasida ham Konstitutsiyaviy qonun loyihasi targʻibotiga bagʻishlangan yigʻilish oʻtkazildi. Inspektsiya xodimlari ishtirokida oʻtkazilgan yigʻilishda Konstitutsiyaga kiritilayotgan oʻzgartirishlar, uning mazmun-mohiyati xususida soʻz yuritildi.
Taʼkidlanganidek, yangilanayotgan Konstitutsiyaviy loyihada inson huquq va erkinliklarini taʼminlash davlatning oliy maqsadi etib belgilanmoqda. Inson huquqlariga oid normalar 3 baravardan ortiqqa oshmoqda. Inson huquq va erkinliklari qonunlarimizning, har bir vazirlik va idora faoliyatining mazmuniga aylanishi qatʼiy talab qilib belgilanmoqda. Oʻzbekiston Respublikasida insonning huquq va erkinliklari xalqaro huquqning umumeʼtirof etilgan normalariga binoan hamda ushbu Konstitutsiyaga muvofiq eʼtirof etilishi va kafolatlanishi qayd etilmoqda.
Davlat organlari tomonidan insonga nisbatan qoʻllaniladigan huquqiy taʼsir choralari mutanosiblik printsipiga asoslanishi va qonunlarda nazarda tutilgan maqsadlarga erishish uchun yetarli boʻlishi kerakligi mustahkamlanmoqda.
Yigʻilishda har bir xodim xalqimizga konstitutsiyaviy islohotlar mazmun-mohiyatini yetkazishda faollik koʻrsatishlari zarurligi tushuntirildi va boʻlib oʻtadigan referendumda qatnashib, oʻz fuqarolik burchini bajarishga daʼvat etildi.
Q.Atamuradov, Fuqarolik ishlari boʻyicha tuman sudi raisi.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
