Maktab− taʼlim va tarbiya oʻchogʻi

Amudaryo televideniyesida Oliy majlis huzuridagi Nodavlat notijorat tashkilotlarni va fuqarolik jamiyatining boshqa institutlarini qoʻllab-quvvatlash Jamoat fondi tomonidan moliyalashtirilgan “Yuksak maʼnaviyatli va axloqli yoshlar – kelajak poydevori” nomli grant loyihasi doirasida hududlardagi maktablar orasidan maʼnaviy va maʼrifiy ishlar yaxshi yoʻlga qoʻyilgan eng ilgʻor maktablar faoliyatini keng turda yoritib borish belgilangan.

 Amudaryo tumanining Boyovul mahallasi hududida joylashgan tuman Xalq taʼlimi boʻlimiga qarashli 56-sonli maktab ham tumandagi eng namunali maktablardan biri.

Ushbu maktabda fan olimpiadalarida yuqori natijalarga erishib, chet tili va umumtaʼlim fanlaridan xalqaro va milliy sertifikatlarni qoʻlga qiritgan oʻquvchi yoshlar talaygina.

Jumladan, maktabning 11-sinf oʻquvchisi Farhod Nurboyev 7.1 ball bilan YeILTS sertifikati sohibi boʻlgan boʻlsa, sinifdoshi Madina Tleubayeva 6 ball bilan mazkur sertifikatni qoʻlga kiritdi.

Shuningdek, Muhlisa Oʻrinbayeva chet tillari boʻyicha milliy sertifikat SEFRga imtihon topshirib V2 darajasi oldi.

Maktabda ingliz tili va aniq fanlarni oʻqitishga boʻlgan talab oldindan yuqori boʻlib kelgan.

Maktabning fidoiy oʻqituvchilari oʻzlaridagi bor bilim va tajribani oʻquvchilarga beribgina qolmasdan oʻz ustida doimiy ravishda izlanishda va intilishda.

 Maktabning ingliz tili fani oʻqituvchisi Nigina Saidova oʻz fanidan S1 sertifikatini qoʻlga kiritdi. Informatika fanidan esa ikki nafar, ona tili fanidan bir nafar oʻqituvchi milliy sertifikatlarni qoʻlga kiritdilar.

Davlatimiz rahbarining bevosita tashabbusi bilan joriy qilinib maktab hayotiga keng tatbiq etilgan setrifikatlash tizimi orqali oʻquvchilar va oʻqituvchilarning bilim doirasi kengayibgina qolmasdan, ular uchun kattadan katta imkoniyat eshiklarini ochib bermoqda.

 Jumladan, endilikda umumtaʼlim fanlardan sertifikatga ega boʻlgan oʻquvchilar uchun Oliy taʼlim muassasalriga kirish imtihonlarida mazkur fandan maksimal ball beriladi. Bu esa oʻquvchining ortiqcha vaqt sariflashiga yoʻl qoʻymaydi.

 Shuningdek, chet tili fanidan sertifikatga ega boʻlgan oʻqituvchilarning ish haqiga 50 foiz, umumtaʼlim fanlardan sertifikatni qoʻlga kiritgan oʻqituvchilarning ish haqiga 20 foiz ustama qoʻshilmoqda.

Albatta, mehnat oʻz vaqtida eʼtirof etilsa va ragʻbatlantirib borilsa oʻsish va rivojlanish boʻladi.

Taʼlim va tarbiya maskani boʻlgan maktabda oʻquvchilarning har tomonlama oʻsib va unishi uchun barcha sharoitlar yaratilgan.

 Bilimli va tajribali oʻqituvchilardan taʼlim-tarbiya olish barobarida oʻquvchilar uchun maktabning moddiy texnik bazasini mustahkamlash boʻyicha ham koʻplab sharoitlar yaratib berildi.

 Keng va yorugʻ sinfxonalar, elektron taxtalar. Zamonaviy rusmdagi kompyuter xonalari, bularing barchasi tirishqoq va intiluvchan oʻquvchilar uchundir.

2 mlrd 326,6 mln.soʻm mablagʻ evaziga maktab binosiga qoʻshimcha tarzda yangi bino qurib berilgani ham oʻquvchilar uchun katta sovgʻa boʻldi. Qurilish ishlari “Temir beton” Masʼuliyati cheklangan jamiyati tomonidan qisqa fursatlarda sifatli tarzda nihoyasiga yetkazilib foydalanishga topshirildi.

Biz esa tinib-tinchimas, bilimli va zukko oʻquvchilarga va ularning jonkuyar oʻqituvchilariga faqatgina zafarlar tilab qolamiz.

Tuman hokimligining Axborot xizmati.