OʻQUVChI-YoShLAR OʻRTASIDA ERTA NIKOHNING OLDINI OLISh BOʻYIChA YIGʻILISh OʻTKAZILDI
40-sonli umumiy oʻrta maktabida “Erta nikohning salbiy oqibatlari” mavzusida yuqori sinf oʻquvchilarining ota-onalari ishtirokida yigʻilish oʻtkazildi. Yigʻilishda maktab direktori S.Xoʻjamuradova, maktab maʼmuriyati, maktab psixolog inspektori K.Bekmanova, Yangiobod MFY raisi R.Roʻzmetov, sinf rahbarlari, 102 nafar ota-ona qatnashdi.
Yigʻilishni maktab direktori S.Xoʻjamuradova kirish soʻzi bilan ochib, oʻtkazilayotgan maʼnaviy-maʼrifiy, axloqiy-tarbiyaviy va huquqiy tadbirning maqsadi va kun tartibiga qoʻyilgan maʼruza mohiyati haqida qisqacha toʻxtaldi.
Kun tartibidagi masala yuzasidan soʻzga chiqqan tuman IIB psixolog-inspektori K.Bekmanova oʻz maʼruzasida bugungi kunda oz boʻlsa-da uchrab turgan voyaga yetmagan qizlarni turmushga berish, ularni taʼlimdan ajratib olish va shu kabi holatlarning oldini olish borasida amalga oshirilishi lozim boʻlgan ishlar yuzasidan fikrlarini bildirdi. Voyaga yetmagan qizlarni erta turmushga berish va qarindosh-urugʻlar oʻrtasidagi nikohning salbiy oqibatlari, nogiron bolalar tugʻilishining oldini olish, tugʻma va irsiy kasalliklarni barvaqt aniqlashda tibbiy tekshiruvlarning ahamiyati toʻgʻrisida batafsil tushunchalar berib oʻtdi.
Shundan soʻng, Yangiobod MFY raisi R.Roʻzmetov ham soʻzga chiqib, yoshlar umumtaʼlim maktabida 11 yillik taʼlimni olishlari shartligini tushuntirdi. Shuningdek, ilm olish, maʼrifatli boʻlish, hayot uchun zarur boʻlgan barcha koʻnikmalarni oʻrganish qizlar uchun ham muhimligini, ilmli va kasb-hunarli ayolgina farzandini komil inson qilib tarbiyalashga intilishini aytib oʻtdi. undan tashqari, nikohdan oʻtishdan oldingi tibbiy koʻrikning ahamiyati haqida ham batafsil tushunchalar berdi.
Oʻquvchilar oʻzlarini qiziqtirgan savollarga javoblar olib, keng tushunchalarga ega boʻldilar.
Umida Karimova, 40-sonli maktabning ijodiy-masalalar boʻyicha targʻibotchisi.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
