MENI ARMIYa TOBLADI
Biz köpinça hayotda böş vaqt degan tuşunçaga unçalik eʼtibor beravermaymiz. Böş vaqtimiz bölganida esa juda köp holatlarda undan notöğri foydalanamiz. Ammo bizning oilamizda kimning-ki böş vaqti bölsa, albatta, birinçi galda özi va oilamiz uçun foydali maşğulot bilan şuğullanişga odatlanganmiz. Şaxsan men böş vaqtni imkoniyat, deb tuşunaman. 2012-yilda 3-sonli Amudaryo akademik litseyini tugatib, Toşkent tibbiyot akademiyasiga hujjatlarimni topşirdim. Lekin talab qilingan ballni töplay olmaganim uçun öqişga kira olmadim. Nima qiliş kerak? Oldimda bir yil turibdi. Maxsus tayyorlov kursida öqisammikan, degan xayolga bordim. Negadir, bunday öquv kurslarida öqişdan köra, harbiy xizmatga borişni istadim.
- Yaxşisi, Armiyaga ketaman, jangovar texnikalarning sir-asrorlarini örganaman, -dedim ota-onamga.
Men böş vaqtimni harbiy hayot bilan band qilişga jazm etdim. Tuman mudofaa işlari bölimi tomonidan çaqiruv qoğozini olganimda, töğrisi, özimni zobitday his qilganman. Barça nazariy va amaliy hamda jangovar tayyorgarlik sinovlaridan muvaffaqiyatli ötib, harbiy xizmatga jönab ketdim.
Bir yil davomida gözal Farğonaning Marğilon şahridagi harbiy qismlardan birida ona Vatan oldidagi öz yigitlik burçimni ado etdim. Şuni mamnuniyat bilan ayta olamanki, harbiy hayot meni jismonan va aqlan çiniqtirdi. Maʼnaviy-axloqiy jihatdan şakllanişimga yordam berdi. Bundan taşqari, böş vaqtdan yanada unumli foydalanişni örgandim. Nazariy va amaliy maşğulotlarning uzviyligi, bir-biriga uyğun tarzda olib borilişi bois, men özim qiziqqan tabiiy fanlar böyiça bilimimni yanada boyitdim. Ötkazilgan nazariy bilimlar test sinovida yuqori natijalarga erişib, qömondonlik tomonidan oliy öquv yurtiga öqişga kirişda imtiyoz beruvçi tavsiyanomaga ega böldim. Harbiy xizmatdan kelgaç, qisqa muddat mustaqil tayyorgarlikdan söng Toşkent tibbiyot akademiyasining tibbiy profilaktika fakultetiga hujjatlarimni topşirdim. Davlat test sinovlaridan muvaffaqiyatli ötib, talabalik baxtiga muyassar böldim.
Men barça tengdoşlarimga qarata şunday degim keladi:
– Azizlar, böş vaqt–inson uçun katta imkoniyat. Ana şu imkoniyatdan foydalanib, umrning har bir lahzasining qadriga yetib yaşaylik. Mening hayotimga ana şu imkoniyat zeb berdi. Ona Vatanga xizmat qilişdek baxtga erişdim. Armiya esa meni har jihatdan çiniqtirdi, oldinga, faqat oldinga intilib yaşaşga örgatdi.
Fursatdan foydalanib, men barça yurtdoşlarimni, xizmatdoş döstlarimni, ona Vatanimiz sarhadlarida sergak turgan askar-u zobitlarni Vatan himoyaçilari kuni bilan samimiy tabriklayman. Osmonimiz musaffo, yurtimiz tinç va obod, orzu yöllarimiz oydin bölsin!
Dilşodbek RÖZMETOV,
Toşkent tibbiyot
akademiyasi 1-bosqiç talabasi,
zahiradagi oddiy askar.
(Foto - uza.uz)

▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶