HUDUDLAR INFRATUZILMASI YaNADA YaXShILANADI

Tumanimizning 4-sektori hududida ham bir qator samarali ishlar amalga oshirilmoqda.

Sektordagi Namuna mahallasi hududida ichimlik suvi taʼminotini yaxshilash maqsadida qiymati 5mlrd 597,2 mln. soʻmlik 1 ta tozalangan suv tarqatish inshootini yangidan qurish va 7,1 km. uzunlikdagi suv tarmoqlarini yangidan tortish, Qumyop mahallasida qiymati 6 mlrd. 641,6 mln. soʻmlik 1 ta tozalangan suv tarqatish inshootini yangidan qurish va 10,1 km. uzunlikdagi suv tarmoqlarini yangidan tortish ishlari amalga oshiriladi.

Undan tashqari, hududdagi 4 ta ovul va mahallalarda umumiy qiymati 1 mlrd. 889,1 mln. soʻmlik jami 8,131 km. uzunlikdagi ichki yoʻllar taʼmirlandi.

Qangli ovulining koʻchalarini joriy taʼmirlash uchun 470,8 mln. soʻm mablagʻ ajratish belgilangan. Mazkur mablagʻ evaziga Amu boʻyi-1-, 2-, 3-, 4-, 5-, 6-, 7-, 8-koʻchalarining 1,960 km. qismiga tosh-shagʻal yotqiziladi. Shuningdek, Beruniy nomli mahallasi Al-Xorazmiy va Abdulla Qahhor nomli koʻchalarning jami 618 metr uzunlikdagi qismiga asfalt qoplamasini yotqizish uchun 409,8 mln. soʻm mablagʻ ajratildi.

Undan tashqari, Boʻston mahallasidagi Binokorlar, Mustaqillik, Nukus, Qoʻshchigʻir, Nurafshon-1-,2-, Said Ahmad-1-, 2-, 3-koʻchalarini joriy taʼmirlash maqsadida 838,0 mln. soʻm mablagʻ ajratilib, jami 4,618 km. uzunlikdagi yoʻllarga tosh-shagʻal yotqizish ishlari amalga oshiriladi.

Navoiy nomli mahallaning Boʻstonliq 1-, 2-, 3-, 4-, 5-koʻchalarini joriy taʼmirlash maqsadida 170,5 mln. soʻm mablagʻ ajratilishi belgilangan.

Bugungi kunda barcha obʼektlarning tender savdolari yakunlanib, belgilangan tartibda pudratchi tashkilotlar aniqlandi va qurilish ishlari boshlanmoqda.

Mahallalar infratuzilmasini yaxshilash maqsadida qabul qilingan Prezident Qarori orqali nafaqat 4-sektor hududida, balki Respublikamizdagi koʻplab mahallalarning qiyofasi tubdan oʻzgarib, aholining yashash sharoiti yaxshilanadi, turmushi farovon boʻladi.

 Shu oʻrinda aytish lozimki, qabul qilinayotgan qonun hujjatlaridan koʻzlangan asosiy maqsad faqat bitta - u ham boʻlsa xalq farovonligini taʼminlashdir.

A.Seyitov, tuman DSI  boshligʻi, 4-sektor rahbari.