XALQ DARDI BILAN YaŞAŞ BAXTI
Mamlakatimizda faoliyat yuritayotgan Özbekiston ekologik partiyasi jamiyatimiz ijtimoiy-siyosiy hayotida öz örniga ega. Çunki aholining ekologik madaniyatini oşiriş, ular könglida tabiat musaffoligini saqlaşga masʼuliyat hissini tarbiyalaş dolzarb ahamiyatga ega.
Ekologik barqarorlikni taʼminlaş, bu boradagi muammolarga jamoatçilik eʼtiborini qaratiş va salbiy oqibatlarning oldini olişda Özbekiston ekologik partiyasi aʼzolarining hissasi ulkan.
Partiya aʼzosi, xalq deputatlari Amudaryo tuman Kengaşi deputati, ayni paytda Qiliçboy ovul fuqarolar yiğini raisi bölib işlayotgan Bahrom Qodirov partiya dasturlarini hayotga tatbiq etişda faol iştirok etmoqda. Oliy maʼlumotli, mutaxassisligi muxandis-mexanik bölgan qahramonimiz oliygohni tugatgaç, Manğit işlab çiqariş – tejorat markazida, Qiliçboy xöjaligi yonilği quyiş şohobçasida, sobiq 41-sonli kasb-hunar texnika bilim yurtida direktor örinbosari vazifalarida işladi. Keyinçalik Amudaryo maişiy xizmat körsatiş kasb-hunar kollejida direktor örinbosari, Qiliçboy ovul fuqarolar yiğini raisi, Amudaryo maişiy xizmat körsatiş kasb-hunar kolleji direktori lavozimlarida faoliyat yuritdi. 2019-yildan hozirgi davrgaça Qiliçboy ovul fuqarolar yiğini raisi sifatida faoliyat olib borib, ovul aholisining turmuşi sifatini oşiriş, farvonligini taʼminlaş, hududda milliy urf-odatlarimiz, qadriyatlarimizni yoşlar qalbiga singdiriş, odobli, el xizmatiga kamarbasta öğil-qizlarni kamolga yetkaziş işlariga munosib hissa qöşib kelayotir.
Uşbu hudud aholisi mehnatsevar, dehqonçilikda öziga xos tajriba va malakaga ega ekanligini inobatga olib, oqsoqol ularga tadbirkorlik, dehqonçilik qilişlari uçun munosib şaroitlar yaratişga intiladi. Yiğin tavsiyasiga köra aholiga dehqonçilik qilişlari, çorvaçilik bilan şuğullanişlari uçun imtiyozli kreditlar ajratilayapti, mini texnologiyalar sotib olişlariga yordam berilayapti.
Xalq hurmat-eʼtiborini qozongan Bahrom Qodirov 2020-yilda xalq deputatlari tuman Kengaşiga Qiliçboy saylov okrugidan deputat bölib saylandi.
U xalq vakili sifatida hudud aholisining mamlakatimizda keçayotgan ijtimoiy siyosiy jarayonlar, yangilanişlar, yuksalişlarga daxldorligini oşiriş, barça jabhalarda amalga oşirilayotgan islohotlarda faol iştirok etişlarini tarğib qiliş maqsadida tez-tez uçraşuvlar ötkazib turadi. Uçraşuvlar jarayonida aholi turmuşidagi aniqlangan muammolarni ijobiy hal qiliş uçun tinmay harakat qiladi.
Joriy yilda ana şunday xalq bilan jonli muloqotlar davrida bildirilgan murojaatlarga muvofiq Xizr eli mahallasida aholi tomorqa yerlarini oqar suv bilan taʼminlaş yaxşilandi, şu mahalla hududidagi transformator köçirildi, Tozayop, Olmazor aholi punktlariga yangi transformator örnatildi, Oftob, Bahouddin Naqşband köçalari yöli taʼmirlandi.
Bahrom Qodirov öz saylov okrugi hududida obodonlaştiriş, kökalamzorlaştiriş işlariga ham alohida eʼtibor qaratadi. Yaşil hududlarga, yöllar böylariga, hovli-joylar atroflariga mevali, manzarli daraxtlar, gullar köçatlari ekilişiga boş böladi. Kam taʼminlangan oilalarga korxona, taşkilotlar atroflariga ekiş uçun öz hisobidan turli köçatlar yetkazib berib, parvarişlanişini nazorat qilib boradi.
Ijtimoiy himoyaga muhtoj aholi qöllab-quvvatlanayotgani Bahrom Qodirovning el oqsoqoli sifatidagi, deputat sifatidagi nufuzini, obrösini oşirayapti. Ha, xalq dardi bilan yaşagan inson haqli ravişda halqning olqişini oladi. Bu – ulkan baxtdir.
Oygul RAJABOVA.

▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶