Tumanda “Keksalar haftaligi” yuqori saviyada oʻtkazilmoqda
Davlatimiz rahbarining tashabbusi bilan mamlakatimizda keksa avlod vakillarini har tomonlama qoʻllab-quvvatlash, ularning jamiyat, oilalar va mahallalarda tinchlik va osoyishtalikni taʼminlash, shuningdek yosh avlodni xalqimizning koʻp asrlik anʼanalarini hurmat qilish ruhida tarbiyalash ishidagi rolini oshirishga qaratilgan keng koʻlamli islohotlar amalga oshirilmoqda.
Vazirlar Mahkamasining 2019 yil 27 sentyabrdagi qarori bilan har yili oktyabr oyining birinchi haftasi “Keksalar haftaligi” etib belgilangani buning yorqin ifodasidir.
Bu yil ham Amudaryo tumanida “Keksalar haftaligi” doirasidagi tadbirlar yuqori saviyada tashkil qilinmoqda.
Haftalik davomida keksalar holidan xabar olinib, ularga moddiy va maʼnaviy koʻmak koʻrsatilmoqda. 4-oktyabr kuni ertalabdan tuman mahalla va nuroniylarni qoʻllab-quvvatlash boʻlimi masʼullari Qoraqalpogʻiston Respublikasi Mahalla va nuroniylarni qoʻllab-quvvatlash vaziri oʻrinbosari, “Nuroniy” jamgʻarmasi raisi Tursinbay Abdijabbarov hamrohligida Nazarxan ovulida istiqomat qiluvchi 1921-yilda tugʻilgan onaxon Turgʻangul Dosnazarovaning xonadoniga tashrif buyurdilar. Tashrif davomida onaxon bilan dildan suhbat qurilib unga pul mukofoti topshirildi.
Shundan soʻng masʼullar Choykoʻl ovulida istiqomat qiluvchi 1917-yilda tugʻilgan Katcha Bekanovaning xonadoniga ham tashrif buyurdilar. Onaxon bu yil 105 yoshni qarshi oldi. Koʻp yillar mobaynida qishloq xoʻjaligi sohasida fidoiylarcha mehnat qilib, ortda qolgan umrini el xizmati, farzandlar tarbiyasiga bagʻishlagan ushbu onaxonga ham pul mukofoti topshirildi. Tibbiyot xodimlari onaxonning salomatligini koʻrikdan oʻtkazib, zarur tavsiyalar berdilar.
Xizr eli mahallasida yashovchi 1915-yilda tugʻilgan onaxon Parda Bekniyazova ham el-yurtga hamisha oʻrnak boʻlib kelgan, uzoq yillar mobaynida qishloq xoʻjaligi sohasida samarali faoliyat yuritgan onaxonlardan. Masʼullar onaxon holidan xabar olishib, uning oilaviy ahvoli, yashash sharoiti bilan tanishib, onaxonga pul mukofotini topshirdilar.
Keksa-nuroniylar xonadonimiz koʻrki, dasturxonimizning fayzu-barakotidir. Ularning qilgan xayrli duosi hayotimiz, oilalarimiz, Vatanimiz hamda yoʻlimizni nurafshon etib turadi va yaxshi ishlarga undaydi. Yoshi ulugʻ otaxon-u moʻʼtabar onaxonlarimizni eʼzozlash va ularni qadrlash, ularning hurmatini joyiga qoʻyish bizning uzoq asrlik urf-odatlarimiz, milliy anʼanalarimiz hamda yashash tarzimizning ajralmas bir boʻlagiga aylangan desak aslo mubolagʻa boʻlmaydi.
Bu birinchi navbatda keksa avlod vakillariga boʻlgan gʻamxoʻrlik va eʼtiborni kuchaytirish boʻlsa, ikkinchidan yosh avlod uchun ulkan tarbiya va tajriba maktabi hamdir. Ayniqsa, uzoq yillardan buyon umurguzarolik qilib, bir-birlari bilan ahil va inoq yashab kelayotgan otaxon va onaxonlar yosh oilalar uchun haqiqiy ibrat maktabidir. “Keksalar haftaligi” doirasida mana shunday namunali oila sohib va sohibalari holidan ham xabar olindi.
Beruniy mahallasida istiqomat qiluvchi, 70-yildan buyon bir oila boʻlib tinchlik va totuvlikda umr kechirayogan Quvvat ota hamda Roziya ona, Gulzor mahallsida istiqomat qiluvchi 61-yildan beri bir oila boʻlib yashab kelayotgan, farzandlarini el-yurtga munosib xizmat qiluvchi insonlar qilib voyaga yetkazgan va ayni kunlarda keksalik gashtini surayotgan Matnazar ota va Xoljon onalarning holidan ham xabar olindi.
Shuningdek, Boyovul mahallasida istiqomta qiluvchi Qozoq ota va Enajon momo 62-yildan buyon, Oybek nomli mahallada istiqomat qiluvchi Erdash ota hamda Jangil ona 60-yildan buyon, Oybek nomli mahallada yashovchi Azat ota va Oʻgʻiljon ona 60-yildan buyon, Chordara mahallasida yoshovchi Bashir ota va Umitgul ayalar 60-yildan beri birgalikda umirguzarolik qilib tinch-totuv yashab kelayotganligi, ushbu oilalarda el koriga yaraydigan solih farzandlar voyaga yetib, Vatanimiz taraqqiyotga munosib hissa qoʻshayotganligi eʼtirof etildi hamda xonadon egalariga pul mukofotlari topshirildi.
Kunning ikkinchi yarmida tumandagi “Xonsaroy” mehmonxonasida tumanda koʻp yillar davomida turli sohalarda mehnat qilib, ayni kunlarda qarilik gashtini surayotgan nuroniylar ishtirokida katta tadbir boʻlib oʻtdi.
Tadbir avvalida hunarmandlar tomonidan mohirona ishlangan milliy hunarmandchiligimiz namunalari boʻlgan milliy qoʻgʻirchoqlar, qishloq xoʻjaligi va uy-roʻzgʻor boʻyimlari, momolarimiz taqqan zebu-ziynat buyumlari koʻrgazmasi tashkil etildi.
Tadbirga tumanning har bir mahallasida yoshlar tarbiyasiga, oilalar mustahkamligiga munosib hissa qoʻshib kelayotgan faol nuroniylar, fuqarolar yigʻinlarining keksalar masalalari boʻyicha maslahatchilari, faol yoshlar taklif etildi.
Tadbirda nuroniylar uchun dasturxon yozildi, tumanimizning taniqli sanʼatkorlari tomonidan kuy-qoʻshiqlar ijro etildi. Tadbir davomida Qoraqalpogʻiston Respublikasi Mahalla va nuroniylarni qoʻllab-quvvatlash vaziri oʻrinbosari, “Nuroniy” jamgʻarmasi raisi Tursinbay Abdijabbarov nuroniylarimizning Vatan taraqqiyoti va xalq farovonligiga qoʻshgan hissalarini eʼtirof etib, ularning pandu nasihatlari yosh avlod tarbiyasida gʻoyat katta ahamiyatga ega ekanligini taʼkidlab oʻtdi.
Shuningdek, yurtimizda keksa avlod vakillari uchun yaratilgan sharoit va imkoniyatlar ham tilga olindi. Birgina mazkur haftalik doirasida nuroniylarning Toshkent shahri va viloyatlar hamda Qoraqalpogʻiston Respublikasining diqqatga sazovor joylariga sayohati tashkil etiladi. Barcha ziyoratgoh va qabristonlarda hamda yakka-yolgʻiz keksalarning xonadonlarida hasharlar oʻtkazilib, ularning uy-joy, maishiy muammolarini hal etishga, sanatoriya-kurortlarda sogʻlomlashtiish va davolanishlari uchun sharoitlar yaratilishiga alohida eʼtibor berlada.
Shuningdek, har bir mahallada yashovchi keksa avlod vakillari reja asosida chuqurlashtirilgan tibbiy koʻrikdan oʻtkazilib, sogʻligʻini tiklashlari uchun amaliy yordamlar koʻrsatiladi.
Keksa avlod vakillariga boʻlgan eʼtibor hamda gʻamhoʻrlik mamlakatimizda “Inson qadri har narsadan ulugʻ” tamoyilini har tamonlama chuqur qaror toptirishda muhim vosita boʻlib xizmat qilmoqda.
Tadbir davomida Qoraqalpogʻiston Respublikasi Mahalla va nuroniylarni qoʻllab-quvvatlash vaziri oʻrinbosari, “Nuroniy” jamgʻarmasi raisi Tursinbay Abdijabbarov tumandagi ovul va mahalla fuqarolar yigʻinlarida faoliyat yuritayotgan keksalar masalalari boʻyicha maslahatchilarga 300 ming soʻmdan pul mukofotini topshirib, ularni yanada faol boʻlishga chaqirdi. Ayniqsa, yangi hayot ostonasida turgan yoshlarga ularning pand-nasihatlari nihoyatda muhim ekanligini taʼkidladi.
Tadbirda 70 nafar nuroniyga jamoat ishlarida faolligi, oilalar tinchligi, yosh avlodni namunali qilib tarbiyalashda qoʻshgan hissalari uchun tuman hokimligining esdalik sovgʻalari topshirildi. Uchrashuv goʻzal kuy-qoʻshiqlar bilan davom etdi.
Biz uchun ota-bobolarimiz, nuroniy keksa ota-onalarimiz katta boylikdir. Ularni asrab avaylash, hurmat koʻsatish xalqimizning azaliy qadriyatlaridan biridir. Zero, qariyalar qadr topgan xonadonda, nuroniylar eʼzozlangan yurtda hamisha mehr-oqibat, qut-baraka hamda tinchlik-xotirjamlik hukmron boʻladi.
Fotima Eshimbetova, tuman hokimligining Axborot xizmati rahbari
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
