MAKTABLAR YaNGI OʻQUV YILIGA TAYYoR

Mana yozgi taʼtil kunlari yakunlanib, maktab boshlanishiga ham sanoqli kunlar qoldi. Oʻquvchilar yana oʻzlarining jonajon maktabiga, ustozlari bagʻriga oshiqmoqdalar. Yangi oʻquv yilini har yildagidan-da, koʻtarinki kayfiyatda boshlash uchun tumandagi barcha maktablarda tayyorgarlik ishlari qizgʻin olib borildi. 

85 ta umumiy oʻrta taʼlim maktablari 31095 oʻquvchi oʻrniga moʻljallangan boʻlsa-da, oʻtgan yillar mobaynida ularda 37965 nafar oʻquvchilar taʼlim-tarbiya olib kelishayotgan edi. Bugungi kunga kelib ushbu muammo oʻz yechimini topdi. 55-sonli maktab binosiga 330-oʻrinli, 76-sonli maktab binosiga 360-oʻrinli 18-, 14-, 36-sonli maktablar binolariga 180-oʻrinli qoʻshimcha binolarni qurish ishlari yakunlanish arafasida turibdi.

Shuningdek, 3-, 26-sonli maktablarda qurilish-taʼmirlash ishlari yakuniga yetkazilgan boʻlsa, 69-, 27-, 11- maktablarda  jadal surʼatlarda davom etmoqda. Aytish kerakki, yosh avlodning maʼnan barkamol, intellektual salohiyatga ega boʻlib voyaga yetishlarida oilada, maktabda berilgan taʼlim -tarbiya bilan birgalikda yaratilgan sharoitlar ham muhim ahamiyat kasb etadi.

Shu maqsadda,   tumanda-gi 4-, 15-, 19-, 46-, 53-sonli maktablar Koreya Respubli-kasining Eksimbank loyihasi hisobidan, har bir maktabga 16 donadan jami 80 dona zamonaviy kompyuter texnikalari hamda 9-, 36-, 58-, 72-, 77-, 86-sonli maktablarning har biriga Vazirlar Mahkamasining  “Yoshlarni “Bir million dasturchi” loyihasi doirasida oʻqitish boʻyicha qoʻshimcha chora-tadbirlar toʻgʻrisida”gi Qarori asosida Respublika byudjeti mablagʻlari hisobidan 11 donadan, jami 66 dona zamonaviy kompyuter texnikalari yetkazib berildi.

Shuningdek, 2022-yil avgust oyida 16- va 76-sonli maktablarga xorijiy tillarni oʻqitishni yanada samarali tashkil qilish boʻyicha qiymati 23 mln. soʻmlik 1 ta interaktiv doska va qiymati 9,2 mln. soʻmlik 2 dona noutbuk yetkazib berildi.

 Mamlakatimizda oʻquvchilarning har tomonlama yetuk, barkamol avlod boʻlib voyaga yetishlari uchun barcha sharoit va imkoniyatlar yaratilgan. Ulardan esa faqatgina oʻqib bilim olish, kasb-hunar egallab Vatan koriga yaraydigan munosib avlodlar boʻlib yetishishlari talab etiladi xolos.

I.RajaBov, tuman XTB mudiri oʻrinbosari.