YaXShI ZAMINNING YaXShI MAMLAKATIDA YaShAYaPMIZ
Yaxshi zamonda, yaxshi zaminda, yaxshi zaminning yaxshi mamlakatida yashayapmiz. Hamma narsa bor, kam-koʻst yoʻq. Endi ota-bobolardan qolgan oltin iboraga keladigan boʻlsak, bir kun ogʻzibirlik buzilsa, qirq kun baraka qochadi. Shu hikmatga kimki eʼtiborsiz, albatta ziyondadir.
Biz qadimdan borchilik-yoʻqchilikda, yaxshi-yomon kunlarda ham bir-birimizga zarda qilmay, aksincha qoʻl ushlashib hayot kechirganmiz.
Navoiy, Fuzuliy, Berdaq, Ajiniyoz kabi ardoqli shoirlarimiz bor. Qay birini kim bizga begona, deb koʻrsata oladi? Agar shunday biron kimsa chiqqan boʻlsa, u komil emas, vasvasaga chalingan kimsa! Bu donish-daholar hammamizniki, turkiy tillashgan xalqlarniki. Sheʼrlari yodimizda, qoʻshiqlari sanʼatkorlarimiz ogʻzidan tushmaydi. 140 ga yaqin millat doʻst, ahil-inoq.
Men yashayotgan Qizilcholi mahallasi hududida ham har xil millatga mansub kishilar mahalla ahilligini taʼminlab kelmoqdalar. Aholi soni 4252 nafar, shundan 4121 nafari oʻzbek, 85 nafari qozoq, 38 nafari qoraqalpoq, 6 nafari turkman, tatar va boshqa millat vakillari. Ular bir-birlari bilan quda-qudagʻay, qalin qatnashiqda – yaqin munosabatlari yaqqol koʻrinib turadi.
Mahallamizda toʻy-maʼraka, hayit va bayramlar juda gashtli taassurotlarga boy boʻladi. Qoʻni-qoʻshnilar totli taomini ham, quvonch-u qaygʻusini ham biri-biri bilan birga baham koʻrishadi.
Bu kunlarni ota-bobolarimiz koʻrgan emas, orzu qilishgan, xolos. Shukrona keltirib yashash kerak. Hali oldinda qiladigan ishlar bor. Yangi Oʻzbekistonimizni yashnatish yoʻlida ahillik, hamjihatlik, katta-yu kichikning ishlari bardavom boʻlishi uchun xalqimizga tinchlik, totuvlik zarur.
Bu yoʻlda kelajagimiz boʻlgan yoshlarga har birimiz koʻz-quloq, eʼtiborli boʻlmogʻimiz shart. Toki, koʻngillarni qaqshatgan Qoraqalpogʻiston voqealari qayta sodir boʻlmasin.
Jumaboy Hidoyatov,
“Jayxun ilhomlari” NNT aʼzosi. Qizilcholi mahallasi.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
