ELIM, DEGAN EL FIDOYISI
Öz kasbiy faoliyatim davomida turfa xulq-atvorli insonlar bilan uçraşib, muloqotda bölganman. Ular orasida, albatta, el-yurtga, kasbiga, oilasiga fidoyilar juda köp. Kimdir xalq manfaati uçun, kimdir oilasi, yana kimdir Vataniga jonfido, xalq xizmati uçun kamarbasta. Biroq yana bir toifa insonlar ham borki, hatto özini, huzur-halovatini unutar darajada xalqim, deb intilib yaşaydi. Baʼzan oç-nahor, baʼzan qiş izğirinlarida qöl-oyoqlari muzlab, saraton jaziramalarida jism-u joni qovrilib, xalq orasiga kirib boraveradi. Öz kasb faoliyatini amalga oşiriş yölidagi maşaqqatlardan aslo çöçimaydi. Agar taʼbir joiz bölsa, amudaryolik badiiy söz ustasi, xalq orasida “Qobil radio” nomi bilan tanilgan Qobil oğa Şomurodov ana şunday fidoyilardan.
Amudaryo tumanining sobiq Kuybişev nomidagi, hozirgi Tölqin ovulida tuğilgan Qobil Şomurodov matbuot sohasiga ilk qadam qöyganida hali maktab öquvçisi edi. Ötgan asrning 59-60-yillarida Qipçoq qişloğidagi hududiy tayanç maktab, hozirgi 11-sonli umumtaʼlim maskanida örta maʼlumot olgan Qobil Şomurodov böş vaqtlarini mutolaa bilan ötkazar, markaziy gazeta va jurnallar, “Özbekiston adabiyoti va sanʼati” gazetasi “Şarq yulduzi”, “Fan va turmuş”, “Guliston”, “Saodat” kabi matbuot naşrlari qatori “Amudaryo haqiqati” gazetasining har bir sonini maroq bilan öqir, özi ham baʼzan tuman gazetasiga maqolalar yozib, poçta orqali jönatib turardi.
Gazeta sahifalarida Qobil Şomurodov imzosi bilan çop etilayotgan maqolalarga alohida eʼtibor bergan gazetaning yetakçi jurnalistlaridan biri Saʼdulla Xöjaniyozov böldi. Heç esidan çiqmaydi, 1967-yilda qişloqdagi hammom işlamayotgani haqida yozgan hajviy şeʼri gazetada yoritilgaç, oradan heç qança vaqt ötmay, hammom töla quvvat bilan xalqqa xizmat körsatişni boşladi. Qişloq ahli esa “hammomni işlatgan” Qobil Şomurodov-ni şu kundan eʼtiboran “muxbir bola” deb çaqiradigan böldi. Uşbu voqea sabab “muxbir bola” tez-tez tahririyatga keladigan, ustozi Saʼdulla Xöjaniyozovdan jurnalistika sirlarini örganiş maqsadida uning rahbarligida tahririyat qoşida taşkil etilgan “Gulşan” va “Tölqin” ijodkor yoşlar tögaragi maşğulotlarida iştirok etadigan böldi. Oradan bir neça yillar ötib, öz ijodiy uslubiga ega, qolaversa, dolzarb mavzulardagi maqolalari bilan xalqqa ança tanilib qolgan Qobil Şomurodov ustozi S.Xöjaniyozovning qöllab-quvvatlaşi va ğamxörligi tufayli 1978-yildan Qoraqalpoğiston radiosining Amudaryo tumani böyiça maxsus muxbiri sifatida ilk jurnalistlik faoliyatini boşladi.
Qobil Şomurodov radio-jurnalist sifatida faoliyat yuritgan 1978-2020-yillar uning uçun haqiqiy kasbga fidoyilik yillari bölibgina qolmay, ijodda öz şaxsiy fikri va uslubiga ega jurnalist sifatida şakllanişida muhim ahamiyat kasb etdi.
Öz malakasini oşiriş, zamon bilan hamnafas qadam taşlaş maqsadida işdan ajralmagan holda NDPIning tarix fakultetini muvaffaqiyatli tamomlagan Qobil Şomurodov hayotining mazmuniga aylanib qolgan matbuot sohasiga, ijodga bir umr boğlanib qoldi. Umrining 40-yildan ziyod davrini özi sevgan xalqqa maʼnaviyat va maʼrifat ulaşiş, ularni yangi-yangi marralar sari ruhlantiriş, qalblariga jöşqin kayfiyat ulaşişdek ezgu işga bağişlagan “muxbir bola” ulğaygan sari el aro hurmat-eʼtibor qozondi. Har tong nafaqat amudaryoliklar, balki qoraqalpoq ovullaridagi har bir xonadonga jarangdor ovozi, dolzarb mavzulardagi xabarlari, radiooçerklari bilan kirib boradigan Qobil Şomurodovni xalq azbaroyi hurmat qilganidan “Qobil radio” deb çaqiradigan bölişdi.
Amudaryo tumanining har bir qişloği, har bir qariç yeriga qadami tekkan “Qobil radio”ning öz kasbiga öta masʼuliyatliligi, fidoyiligi jamiki jurnalistlar uçun ibrat bölgulik. Hozirgiday kompyuter texnologiyalari rivojlanmagan, ovoz yoziş uskunalari lentali kassetalardan iborat, kamida 2-3 kilogramm oğirlikdagi magnitofonni katta sumkaga joylab, dala-daşt kezgan, ertalab Jumurtoğdagi toğ-kon zavodidan eşittiriş tayyorlasa, peşindan söng yo Nazarxonga, yo azim Qiliçboyning Xolimbeg-u Dörman ovullariga yöl olguvçi Qobil Şomurodovning qahraton qiş, yoz jaziramasi-yu, qor-yomğir demay, zimmasidagi kasbiy burçini heç injilmay bajarganlariga neça bora guvoh bölganmiz.
Butun ongli hayotini öz kasbiga sadoqat ila xalqqa maʼnaviyat va maʼrifat ulaşişdek ezgu işga bağişlagan matbuot fidoyisi Qobil oğa Şomurodov ayni paytda 75 yoşga töldilar. Qutluğ yoşida ham qölidan qalamini qöymagan otaxon muxbir, mehr-oqibatli, el-yurtga qayişgan farzandlarining ardoqli otasi, oilaparvar umr yöldoşi Hanifaxon momoning sevimli yelkadoşi Qobil oğa Şomurodovga:
– Aslo çarçamang, ijod qilişdan töxtamang, siz sevgan Amu elida Sizning ovozingiz, ötkir sözingizni kutib yaşaguvçi muxlislaringiz borligini aslo unutmang, qutluğ 75 yoşingiz muborak bölsin! – deymiz.
Robiya YÖLDOŞEVA.

▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶