Kadrlar boʻyicha inspektorlarning huquqiy savodxonligini oshirish maqsadida seminar tashkil etildi
Joriy yilning 10-iyun sanasida Amudaryo tumani Adliya boʻlimi va tuman Xalq taʼlimi boʻlimi bilan hamkorlikda tumanimizdagi 16-sonli ixtisoslashtirilgan davlat umumtaʼlim maktabi binosida kadrlar boʻyicha inspektorlarining huquqiy savodxonligini oshirish maqsadida seminar tashkil etildi. Seminarda kadrlar boʻyicha inspektorlar, tegishli idoralar ishtirok etishdi.
Oʻtkazilayotgan ushbu seminarning asosiy maqsadi – Oʻzbekiston Respublikasi Prezidentining 2022-yil 18-mart kungi qarori bilan yangidan tatbiq qilinayotgan oʻzgarishlarning mazmun-mohiyatini tushuntirishdan iborat boʻldi.
Yuqoridagi qaror bilan respublikaning barcha tuman va shaharlarida yuridik xizmat bilan taʼminlanmagan davlat organlari va tashkilotlari, davlat umumiy oʻrta taʼlim maktablari, maktabgacha taʼlim tashkilotlari hamda koʻp tarmoqli, markaziy va oilaviy poliklinikalarga 2022-yil 1-avgustdan tegishli Yuridik xizmat koʻrsatish markazlari tomonidan xizmat koʻrsatilishi belgilangan.
Seminarda ishtirokchilarga “E-huquqshunos” elektron tizimi orqali hujjatlar almashinuvi tartibi haqida tushunchalar berilib, yuridik tusdagi barcha hujjatlarning mehnat qonunchiligiga toʻla rioya qilgan holda toʻgʻri rasmiylashtirishini taʼminlash, shuningdek, masʼul xodimlarning huquqiy savodxonligini oshirish masalalariga eʼtibor qaratildi.
Seminar avvalida barcha ishtirokchilar yuridik tusdagi hujjatlarning loyihalarini mehnat qonunchiligiga toʻla rioya qilgan holda toʻgʻri rasmiylashtirish boʻyicha amaliy bilimlarga ega boʻldilar.
Shuningdek, seminar davomida kadrlar boʻyicha inspektorlarning huquqiy bilimlarini oshirish, qonun buzilish holatlarining oldini olish boʻyicha takliflar ishlab chiqildi. Shu bilan birga, mavjud muammolar yuzasidan fikrlar bildirilib, tajriba almashish uchun qulay imkoniyat yaratib berdi.
Tadbir davomida soʻzga chiqqanlar soʻnggi yillarda respublikamizda Yuridik xizmat koʻrsatish markazlari tomonidan “E-huquqshunos” elektron tizimi orqali hujjatlar almashinuvining mazmun-mohiyatini tushuntirish orqali ishtirokchilarda huquqiy ong va huquqiy madaniyatini yuksaltirish borasida qilinishi lozim boʻlgan dolzarb masalalar yuzasidan fikr almashildi. Mavzuga doir bildirilgan fikrlar ishtirokchilar tomonidan seminar davomida muhokama qilindi.
Seminarda ishtirokchilar oʻzaro fikr almashib, nazariy bilimlarini oshirishdi. Shu bilan birga amaliy koʻnikmalarini ham shakllantirishni yoʻlga qoʻydi.
Uchrashuv soʻngida seminar ishtirokchilari huquqiy sohada oʻzlarinni shu kungacha qiynab kelayotgan muammo va kamchiliklar hamda yechimini topishi lozim boʻlgan masalalar yuzasidan masʼul rahbarlarga savol berish barobarida soha mutaxassislari bilan oʻzaro fikr – mulohazalar almashdi. Seminar yakunida qatnashchilari oʻzlarining qiziqtirgan savollari va amaliyotida uchrayotgan muammolariga qonuniy asoslantirilgan javoblarini olishdi.
Sevara ISMOILOVA
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
