“Amudaryo paxta tozalash” aktsiyadorlik jamiyati aktsiyadorlari diqqatiga!

“Amudaryo paxta tozalash” aktsiyadorlik jamiyatining 2022-yil 23-iyunda boʻlib oʻtadigan aktsiyadorlarining yillik umumiy yigʻilishi jamiyat kuzatuv kengashining 2022-yil 8-iyundagi qarori bilan bekor qilinib, aktsiyadorlar umumiy yigʻilishi 2022-yil 29-iyun sanasiga koʻchirildi.

Umumiy yigʻilish soat 16⁰⁰da Qoraqalpogʻiston Respublikasi, Amudaryo tumani, Oq oltin OFYda joylashgan “Amudaryo paxta tozalash” aktsiyadorlik jamiyati maʼmuriy binosining majlislar zalida oʻtkaziladi.

Yigʻilish qatnashchilari roʻyxatga olish soat 15⁰⁰ boshlanadi.

Jamiyatning rasmiy veb-sayti: www.amudaryopaxta.uz

KUN TARTIBIDAGI MASALALAR:

1. Umumiy yigʻilishining reglamenti va sanoq komissiyasi tarkibini tasdiqlash.

2. Jamiyat ijroiya organi rahbarining 2021-yildagi faoliyati hamda biznes-reja koʻrsatkichlarini bajarilishi boʻyicha jamiyat Bosh direktorining hisobotini va 2021 yillik hisobotini tasdiqlash.

3. Jamiyat ijroiya organi rahbari bilan tuzilgan mehnat shartnomasining muddatini uzaytirishni koʻrib chiqish.

4. Jamiyatning 2021-yil yakuni boʻyicha auditorlik tashkiloti xulosalarini koʻrib chiqish.

5. Jamiyatning 2021-yil yakuni boʻyicha taftish komissiyasining xulosasini tasdiqlash.

6. Jamiyat kuzatuv kengashining 2021-yil yakuni boʻyicha hisobotini tasdiqlash.

7. Jamiyatning 2022-yil uchun moʻljallangan biznes-rejasini tasdiqlash.

8. Jamiyatning 2020-yil yakunidan taqsimlanmasdan qolgan va 2021-yil boʻyicha olingan sof foydasini taqsimlash.

9. 2022-yil moliya-xoʻjalik faoliyati yakuni boʻyicha auditorlik tekshiruvini oʻtkazish uchun auditorlik tashkilotini va unga toʻlanadigan haqning eng koʻp miqdorini belgilash.

10. Jamiyatda 2021-yil yakunlari boʻyicha oʻtkazilgan korporativ boshqaruv tizimini mustaqil baholash natijalarini koʻrib chiqish.

11. Jamiyat Ustaviga va ichki Nizomlarga tegishli oʻzgartirish va qoʻshimchalar kiritish.

12. Jamiyat tashkiliy tuzilmasini tasdiqlash.

13. Jamiyat kuzatuv kengashi aʼzolarini qayta saylash.

14. Jamiyat kuzatuv kengashi aʼzolariga haq toʻlash masalasini koʻrib chiqish.

15. Jamiyat tomonidan “E-auksion” elektron savdo platformalariga savdoga chiqarilgan va muddatida sotilmagan jamiyat aktivlari qiymatini belgilangan tartibda bosqichma-bosqich tushirish masalasini koʻrib chiqish.

16. Qonunchilikda belgilangan daʼvo muddati oʻtgan jamiyatning debitorlik va kreditorlik qarzdorliklarini hisobdan chiqarishni koʻrib chiqish hamda buxgalteriya hujjatlariga tegishli yozuvlarni kiritish.

Jamiyat aktsiyadorlari umumiy yigʻilishida qatnashish huquqiga ega aktsiyadorlarning reyestri 2022-yil 23-iyun holatiga shakllantiriladi.

Aktsiyadorlar oʻzlari bilan shaxsni tasdiqlovchi hujjat pasport hamda ularning vakillari Oʻzbekiston Respublikasi qonunchiligida belgilangan tartibda rasmiylashtirilgan ishonchnoma bilan kelishlari shart (jismoniy shaxslar uchun notarius tomonidan tasdiqlangan, yuridik shaxslar uchun mazkur yuridik shaxs tomonidan berilgan).

Aktsiyadorlarning yillik umumiy yigʻilishida koʻrib chiqiladigan kun tartibidagi masalalar boʻyicha maʼlumotlarni “Amudaryo paxta tozalash” aktsiyadorlik jamiyatida tanishishlari mumkin. Aktsiyadorlar qoʻshimcha maʼlumot olish uchun quyidagi manzilga murojaat qilishlari mumkin: Qoraqalpogʻiston Respublikasi, Amudaryo tumani, Oq oltin OFY. elektron pochta: amudaryopaxta@umail.uz