OʻTGANLAR YoDI UNUTILMAYDI
Ajdodlarni xotirlash va keksalarni eʼzozlash ulugʻ qadriyat hisoblanadi. Shu boisdan xam yoshi ulugʻ nuroniylarga yuksak hurmat-ehtirom koʻrsatiladi.
Yurtimizda Xotira va qadrlash kuni katta tantana bilan nishonlanishi ham bejiz emas. Shu kuni 1941-1945-yillardagi urushda va mehnat frontida tinchlik uchun kurashib, dunyodan oʻtganlarni yodga olamiz. Ular qalbimizda va yuragimizda abadiy saqlanmoqda. Xalqimiz jasur oʻgʻlonlarini hurmat bilan tilga oladi. Ikkinchi jahon urushi davrida Oʻzbekistonda yashagan 6,5 million aholining 1,5 millioni frontga ketgan. Ulardan 420 ming nafari qaytib kelmagan, 640 nafari yaralangan, 120 ming nafar oʻzbekistonlik orden va medallar bilan taqdirlangan.
Xotira va qadrlash tushunchasi chuqur maʼnoga egadir. Oʻz Vatanini himoya qilishda jonini fido qilgan, ayovsiz jangu – jadallarda qahramonlarcha halok boʻlganlar xotirasini biz yoshlar aslo unutmaymiz. Oʻzbekiston inson erkinligi, shaʼni qadr – qimmati ulugʻ, buyuk mustaqil davlatga aylandi.
Bizning tumanimizda ham oʻtganlarning xotirasiga hurmat sifatida Xotira maydoni qad rostladi. Xotira maydoni hozirda oʻz faoliyatini olib bormoqda. Koʻplab insonlar ziyorat qilib, muzeyni ham tomosha qilib, chuqur taassurotlar olmoqda. Xotira maydonida Ikkinchi jahon urushida halok boʻlgan tumanimizning jasur oʻgʻlonlarning ismlari qayd etilgan. Qoraqalpogʻistondan 66 ming nafardan ortiq zabardast yigitlar jangga otlangan. Xotira maydonida urushga ketgan farzandlarini kutib oʻtirgan motamsora ona haykali oʻrnatilgan. Ona haykali poyiga gulchambarlar qoʻyish anʼanaga aylanmoqda.
Ikkinchi jahon urushida qahramonlarga halok boʻlganlarni, bugungiday tinch-osuda hayotimiz uchun kurashganlarni unutishga haqqimiz yoʻq.
Gulnoza Norimmatova, 12-maktab oʻqituvchisi.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
