ZOʻRAVONLIK YoKI ShAFQATSIZLIK TARGʻIB QILISh IJTIMOIY XAVFLI JINOYaT
Shaxs manfaatlarini, uning huquq va erkinliklarini jinoiy tajovuzlardan himoya qilish Oʻzbekiston Respublikasi Jinoyat kodeksining asosiy vazifalaridan biridir.
Darhaqiqat, insonning hayoti va sogʻligʻi shaxsning bebaho boyligi hisoblanadi. Uni bu boylikdan mahrum etish yoki shikast yetkazish ogʻir jinoyat hisoblanadi. Bu esa, ushbu turdagi jinoyatlarning xavflilik darajasi yuqori ekanligini koʻrsatadi. Shuningdek, shaxsga qarshi jinoyatlarni ijtimoiy xavflilik darajasining yuqoriligi, ularning sodir etilishi natijasida hayot va sogʻliq, jinsiy erkinlik, oila va yoshlarning manfaatlari, axloq normalari, shaxsning ozodligi, shaʼni va qadr-qimmati, fuqarolarning konstitutsiyaviy huquq va erkinliklariga jiddiy zarar yetkazilishi bilan shartlanadi.
Zoʻravonlik va shafqatsizlikni targʻib qiluvchi mahsulotlarning tarqatilishi, namoyish qilinishi yoki reklama qilinishi jamiyatimizda umumeʼtirof etilgan anʼana va qadriyatlarimizga, shuningdek, madaniy va maʼnaviy hayot tarzimizda zoʻrlik ishlatish, hurmatsizlik, shafqatsiz munosabatlar va axloqsiz xulq-atvor shakllanishiga sabab boʻladi. Aytish joizki, shaxsni zoʻravonlikka, shafqatsizlikka chorlovchi turli suratlar, matbuot nashrlari, videokassetalarning tarqatilishi insonlar ongida salbiy oʻzgarishlarni yuzaga keltiradi. Tabiiyki, bunday salbiy omillar shaxsning, ayniqsa, yoshlarning shakllanishiga salbiy taʼsir koʻrsatadi. Shu sababli bunday harakatlarni sodir etganlik uchun jinoiy javobgarlik belgilangan.
Oʻzbekiston Respublikasi Jinoyat kodeksining 130- va 130/1-moddalarida nazarda tutilgan qilmishlar axloqiy tarbiya sohasidagi davlat siyosatiga va insonning maʼnaviy shakllanishiga tajovuz hisoblangani uchun ushbu moddalarda tegishli jazo choralari koʻrsatilgan. Binobarin, Oʻzbekiston Respublikasi davlati va jamoatchiligi oʻsib kelayotgan yosh avlodni barkamol qilib tarbiyalash, shu jumladan, yoshlar ongida umumeʼtirof etilgan axloqiy printsiplarni singdirishga manfaatdordir.
Sh.Shermanov, OʻzR IVV akademiyasi 3-bosqich kursanti.
A.Tajiyev, podpolkovnik.
D.Sharifova, kapitan.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
