Tadbirkorlarning huquqlarini himoya qilish boʻyicha vakil ishtirokida sayyor qabul oʻtkazildi
Mamlakatimizda biznesni yanada qoʻllab-quvatlash, tadbirkorlik subʼektlari faoliyatini rivojlantirishga alohida eʼtibor qaratilib, sohaga berilayotgan eʼtibor va yaratilayotgan sharoitlar sababli ularning faoliyatiga aralashishlar keskin kamaytirildi.
Bu borada tadbirkorlik subʼektlarining huquqlari va qonunuiy manfaatlarini himoya qilish, jumladan byurokratik toʻsiqlarni bartaraf etish, ularning muammolarini aniqlash va bartaraf etishning tezkor choralarini koʻrish, noqonuniy tekshirishlarni oldini olish maqsadida Biznes-ombudsman instituti samarali faoliyat yuritmoqda.
Maʼlumot uchun aytib oʻtish kerakki, Biznes-ombudsman oʻz faoliyatida davlat organlari, shu jumladan huquqni muhofaza qiluvchi va nazorat idoralari tomonidan tadbirkorlik subʼektlarining huquqlari va qonuniy manfaatlariga rioya etilishi yuzasidan nazoratni amalga oshiradi. Tadbirkorlik subʼektlarining faoliyati tekshirilayotganda ularni huquqiy qoʻllab-quvvatlash, tadbirkorlik faoliyati erkinligining kafolatlari toʻgʻrisidagi qonun hujjatlari normalari va talablarining amalda roʻyobga chiqarilayotganligini oʻrganadi.
29-aprel kuni tadbirkorlarning muammo va takliflarini tinglash, tadbirkorlar faoliyati bilan yaqindan tanishish maqsadida Amudaryo tumaniga Oʻzbekiston Respublikasi Prezidenti huzuridagi Tadbirkorlik subʼektlarining huquqlari va qonuniy manfaatlarini hamoya qilish boʻyicha vakili Kasimov Dilmurod Sultanmuratovich tashrif buyurdi hamda tumanda faoliyat yuritayotgan tadbirkorlar uchun sayyor qabul oʻtkazdi.
Unda Qoraqalpogʻiston Respublikasi Vazirlar Kengashi Raisining oʻrinbosari Nurullan Yerlepesov tuman hokimi Sultonboy Yoʻldashev, sektorlar rahbarlari, tumanda faoliyat yuritayotgan tadbirkorlar, hokim yordamchilari, yoshlar yetakchilari hamda mutasaddi tashkilotlar vakillari ishtirok etishdi.
Qabul davomida “MANGIT INVEST PLYUS”, “Amudaryo tomorqa xizmati”, “Dilnura Elmira Kitchen”, Nukus logistika “Mangʻit oʻrta qala chorvadori” “Amudaryo Maxsus Qurilish” masʼuliyati cheklangan jamiyatlari va boshqa turli tadbirkorlik subʼektlaridan hamda jismoniy shaxslardan jami 16 ta murojaat kelib tushdi.
Murojaatlar tegishli soha vakillari bilan muhokama qilindi. Hamda tez orada hal qilinishiga kelishib olindi.
Qabul davomida nazorat qiluvchi organlar masʼul xodimlari tomonidan qonun hujjatlariga qatʼiy rioya etish, shuningdek, davlat xizmatlari koʻrsatuvchi idoralar tomonidan belgilangan talablar darajasida ish olib borilishi qonuniylikni taʼminlashga, tadbirkorlarning davlat organlariga nisbatan ishonchi ortishi va oʻz navbatida iqtisodiyotdagi ulushining yanada koʻpayishiga xizmat qilishi eʼtirof etildi.
Sayyor qabul yakunida tadbirkorlarning fikr-mulohazalari tinglanib, ularning takliflari asosida kelgusida tadbirkorlikni yanada rivojlantirish uchun amalga oshirilishi lozim boʻlgan tashkiliy va huquqiy masalalar belgilab olindi.
Tuman hokimligining Axborot xizmati
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
