NAMUNALI MADANIYaT MARKAZI
Amudaryo tumanining olis hududlaridan biri Qilichboy ovulida joylashgan Qilichboy madaniyat markazi aholining madaniy hordiq chiqarishini taʼminlash maqsadida koʻp yillardan buyon faoliyat yuritmoqda.
Ovuldagi ushbu Madaniyat markazini yanada rivojlantirish, turli xil toʻgaraklar sonini koʻpaytirish, eng asosiysi, aholining madaniy hordiq olishini taʼminlashda markaz mudiri, Qoraqalpogʻistonda xizmat koʻrsatgan artist I.Siytimovning xizmatlari katta.
Bugungi kunda Qilichboy madaniyat markazida 8 nafar xodim faoliyat olib bormoqda. Shuningdek, markazda drama va ashula toʻgaraklari faoliyati yoʻlga qoʻyilgan boʻlib, toʻgarak aʼzolari Respublika miqyosida oʻtkazilayotgan tanlovlarda munosib qatnashib kelishmoqda.
Oʻtgan yil mobaynida madaniyat markazi tomonidan yoshlarning boʻsh vaqtini mazmunli oʻtkazish, iqtidorli yoshlarni aniqlash va sanʼatga qiziqishlarini oshirish borasida koʻplab salmoqli ishlar amalga oshirildi. "Besh tashabbus” doirasidagi koʻrik-tanlovlar, “Orzular sari”, “Aziz yurtim yoshlari” nomli kontsert dasturlari shular jumlasidandir.
Qilichboy madaniyat markazi ovul hududidagi umumtaʼlim maktablari bilan hamkorlikda faoliyat olib bormoqda. Iqtidorli yoshlar aniqlanib, ularga malakali ustozlar tomonidan taʼlim berilmoqda. Bugungi kunda maskandagi yoʻnalishlarni kengaytirish, aholi, ayniqsa, yoshlarning qamrab olinish darajasini yanada oshirish borasida koʻplab ijobiy ishlar amalga oshirilmoqda.
Chekka hududlarda dam olish kontsert dasturlari oʻtkazish, turli mavzularda yoshlar uchun xayriya va pullik kontsert dasturlarini namoyish etish, Qoraqalpogʻiston Respublikasida xizmat koʻrsatgan artist, ustoz sanʼatkor Nazir Rahimov muzeyini, “Qoʻgʻirchoq teatri”ni tashkil qilishni asosiy vazifa qilib belgilashgan. Markaz xodimlari xalqqa xizmat koʻrsatishdan, maʼnaviyat va madaniyatni targʻib etishdan aslo charchamaydi.
F.Eshimbetova.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
